“Каравонда” чыгыш ясадылар

Традицион "Каравон" рус халык бәйрәме Россия төбәкләрендә яшәп иҗат итүчеләрне Лаеш районының Никольское авылына җыйды.
Анда районнан "Былина" ансамбле уңышлы чыгыш ясады. Алар сәхнәдә "У меня младой муж гнедой", "Ой, с вечера с полуночи" әсәрен башкардылар. Иҗат төркеме җитәкчесе Инна Килеева сөйләвенчә, күләмле чара бик югары дәрәҗәдә оештырылган. Үзәк һәм ике кече сәхнәдән ясалган чыгышлар халыкның күңел һәм рух байлыгын, гореф-гадәтләрен чагылдырган әсәрләрдән төзелгән. Бигрәк тә популяр "Бурановские бабушки" фольклор ансамбленең татар һәм удмурт телендә башкарган җырлары аерым алкышлар кабул иткән. Кул эшләре күргәзмәсе халыкның осталыгын, ата-баба мирасының саклануын күрсәткән.