Менделеевские новости
  • Рус Тат
  • Казан кунаклары коллективларга бәя бирде

    "Юность" район мәдәният йортында җомга көнне теләге булган менделеевлыларга фольклор коллективлар чыгышын тамаша кылу мөмкинлеге бирелде, анда 12 иҗат берләшмәсе "халык" ансамбле исемен раслады. Һәр коллектив үз программасын әзерләде, анда вокаль-хореографик композицияләр, йолалар, традицияләр, милли бәйрәмнәргә багышланган сәхнәләштерелгән тамашалар тәкъдим ителде. Мисал өчен, "Бигәш" ансамбле тамашачыга - борынгы туй йоласы,...

    "Юность" район мәдәният йортында җомга көнне теләге булган менделеевлыларга фольклор коллективлар чыгышын тамаша кылу мөмкинлеге бирелде, анда 12 иҗат берләшмәсе "халык" ансамбле исемен раслады.
    Һәр коллектив үз программасын әзерләде, анда вокаль-хореографик композицияләр, йолалар, традицияләр, милли бәйрәмнәргә багышланган сәхнәләштерелгән тамашалар тәкъдим ителде. Мисал өчен, "Бигәш" ансамбле тамашачыга - борынгы туй йоласы, "Возжайка" - армиягә озату, ә "Теремшур" ансамбле халык уеннары күрсәтте.
    - Мондый исемне яклаулар биш елга бер уздырыла. Башта - авыл, аннан шәһәр коллективлары чыгыш ясый, - дип сөйли РМЙ методисты Людмила Белова.
    Римма Никандровна Андреева "Элнет" ансамблен хупларга килгән. Аның белән рәттән Маргарита Михайловна Лупова "Памаш" өчен җан ата, чөнки аның составында килене чыгыш ясый.
    - Бүген безнең халык җырлары тыңларга, милли киемнәрне карап сокланырга мөмкинлегебез булды, - диләр пенсионерлар.
    Ветераннар хоры, "Тихоновские зори", "Талларым", "Былина" һ.б. ансамбльләр бер-берсен алмаштырып, чиратлашып сәхнәгә чыгалар. Һәркайсының үз характеры, үзенчәлеге, иҗади якын килүе сизелә.
    Жюри составында традицион мәдәният үсеше республика үзәге директоры урынбасары, "халык" исеме бирү буенча художество советы рәисе, ТР Атказанган мәдәният хезмәткәре Гали Габдрахманов һәм композитор, ТР Атказанган сәнгать эшлеклесе, Муса Җәлил исемендәге дәүләт премиясе лауреаты, РФ һәм ТР композиторлары берлеге әгъзасы Риф Гатауллин булды. Һәр коллектив чыгышыннан соң, анализ ясалды, җитәкчеләре һәм катнашучылары белән әңгәмә корылды, кимчелекләр һәм теләкләр әйтелде.
    Венера Әмирова
    Автор фотосы

    Нравится
    Поделиться:
    Реклама
    Комментарии (0)
    Осталось символов: