Менделеевск яңалыклары
  • Рус Тат
    • Мәдәният

    Кешеләр шатлыгына үссеннәр

    автор, 23 сентябрь 2015 - 08:15
    905
    0
    0

    Бусагада инде көз, ә кайбер йортлар ишегаллары, предприятиеләр территорияләре әле дә күз явын алырлык чәчәкләр һәм декоратив үсемлекләр белән сокландыра. Безнең корреспондент Татьяна Ясәвиева шәһәрдәге иң матур клумбаларны барлады, аларның авторлары белән аралашты. Мария Петрова һәм Роза Мягких Профсоюзная урамындагы 4 нче йорт территориясен ел саен яшелләндерәләр. - Чәчәкләр үстерү...

    Бусагада инде көз, ә кайбер йортлар ишегаллары, предприятиеләр территорияләре әле дә күз явын алырлык чәчәкләр һәм декоратив үсемлекләр белән сокландыра. Безнең корреспондент Татьяна Ясәвиева шәһәрдәге иң матур клумбаларны барлады, аларның авторлары белән аралашты.
    Мария Петрова һәм Роза Мягких Профсоюзная урамындагы 4 нче йорт территориясен ел саен яшелләндерәләр.
    - Чәчәкләр үстерү минем яраткан шөгылем, - ди Мария ханым. - Аеруча көзге салкыннарга кадәр чәчәк ата торганнарына өстенлек бирәм. Күршем Роза Мягких хризантема утыртты. Аларны күңел биреп тәрбиялим, кешеләр шатлыгына үссеннәр. Без подъездда да өйдәге сыман матур һәм уңайлы булуына омтылабыз.
    Чынлап та, тәрәзә төбендәге гөл чүлмәкләрендә, матурлык өстәп, яраннар үсә.
    Хезмәт урамының 9 нчы йортында Рәйсә Исакова, Флера Мөхәмәдиева, Светлана Фәйзрахманова ишегалларын зур теләк белән бизиләр. Биредә төрле төстәге дәлия, гладиолус, алтын чәчәк, циннияләр күзләрне иркәли. Экзотик канә уты (клещевина) субтропиклар атмосферасы тудыра.
    - Киләсе җәйгә орлыклар җыябыз, - дип сөйли Светлана Фәйзрахманова, ике кап орлык күрсәтеп.
    "Скарлетт" кибете янындагы зур булмаган территорияне чәчәклек алып тора. Андагы хоста, астильба, очиток, флокс һәм чалмалар гармоник композиция тәшкил итә.
    Мондый матурлыкны чәчәкләр яратучы кибет директоры Резедә Прокофьева булдырган. "Рандеву" кафесы янәшәсендәге чәчәк түтәле дә күз явын алырлык.
    Һәрвакыттагыча, 1 мәктәп янындагы мәйдан биология укытучысы Сафура Гафиятуллина тырышлыгы белән чәчәкләргә күмелгән. Яңа бина территориясен георгин, петуния, цинния, бәрхетләрдән төрле төстәге алан бизәгән.
    - Шәһәребезне күркәм бакча итәсе иде, - дип хыяллана Сафура Бакиевна.
    Әйтергә кирәк, өченче мәктәп тә чәчәкле бизәлеш ягыннан коллегаларыннан калышмый.
    "Ижминводы" санаториенда ял итүчеләр искиткеч ландшафт дизайны - хайваннар кыяфәтендә чәчәк скульптуралары белән хозурланалар.
    Битараф булмаган кешеләрнең инициативасын предприятиеләр, йорт комитетлары һәм барлык шәһәр халкы да хупласын иде.

    Иң мөһим һәм кызыклы язмаларны Татмедиа Telegram-каналында укыгыз


    Теги: Менделеевск Менделеевск яћалыклары Шђџђрдђге клумбалар
    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2020. Менделеевск яӊалыклары (Менделеевские новости). Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Менделеевск яӊалыклары (Менделеевские новости)
    № свидетельства о регистрации СМИ, дата: ЭЛ № ФС 77 - 73819 от 28.09.2018
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: Искандарова Джулия Анатольевна
    Адрес редакции: 423650, Республика Татарстан, Менделеевский р-н, г. Менделеевск, ул. Фомина, д. 20
    Телефон редакции: (85549) 2-14-55
    Электронная почта редакции: paradox_12@mail.ru
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    Яндекс.Метрика ; Рейтинг@Mail.ru
    16+