Китапханәдә очрашулар

Татар китапханәсенә йөрүче балалар өчен кызыклы чаралар оештырыла.
Учреждениенең әйдәп баручы хезмәткәре Гөлназ Хафизова балалар өчен иҗат ителгән әсәрләр буенча кычкырып укулар уздыра. Китапханәгә йөрүчеләр яңа нәшер ителгән китаплар белән танышалар, бигрәк тә әкиятләр күңелләренә якын. Автор һәм халык әкиятләре буенча мультфильмнар карыйлар. Чираттагы очрашуга үзләре язган әкиятләрне тәкъдим итәчәкләр. Укучылар "Салават күпере", "Оста куллар" журналларын көтеп алалар. Соңгысында кул эшләренә өйрәткән битләре буенча 3D форматында рәсемнәр җыялар.