«Ля-Ля-Фа» балалар вокал-эстрада студиясенә ун ел булачак

Харизмалы, позитив һәм максатка омтылучан сәнгать җитәкчесе Лира Улько балалар өчен яңа мөмкинлекләр һәм өстенлекләр ача. Студиядә 35 музыкаль яктан сәләтле малайлар һәм кызлар яшьләре буенча ике төркемдә: 6-10 яшьтәгеләр − «Классиклар», 11-17 яшьлекләр − «Яшьтәшләр». Шулай ук төркемдә ялгыз җырлаучылар да бар. Тәрбияләнүчеләр үз көчләрен төрле юнәлешләрдә сынап карыйлар: джаз, поп, фолк.

− Балаларның күзләрендә очкыннар, шөгыльләрдә ничек өйрәнергә тырышуларын күргәч, хезмәтемнең юкка түгеллеген аңлыйм. Бу һичшиксез уңай нәтиҗәгә китерә. Иҗади әзерлек барышында ата-аналарның да роле мөһим һәм бәһасыз. Аларның минем ярдәмчеләрем булуы шатландыра. Моның өчен аларга зур рәхмәт, − дип белдерә Л.Улько. − Без юбилей концертына җентекле әзерләнәбез. Аны, мөмкинлек булса, яхшы үткәрергә тырышачакбыз.