Менделеевлылар Универсиадада: кем җан аткан, кем тәртип саклаган
Маргарита Григорьева, Акътәҗек авылыннан "Памаш" фольклор ансамбле җитәкчесе: - Без район делегациясе вәкиле буларак Универсиаданың мәдәни программасында катнаштык. Чыгышлар Кремльдән ерак булмаган мәйданчыкта үтте. Телевидение журналистлары бригадасы безнең янга килгәч, гаҗәпләнеп, сорадык : «Ни өчен нәкъ менә безне сайладыгыз?" Һәм шундый җавап ишеттек: "Сезнең костюмнарыгыз матур, үзенә җәлеп итеп тора...
Маргарита Григорьева, Акътәҗек авылыннан "Памаш" фольклор ансамбле җитәкчесе:
- Без район делегациясе вәкиле буларак Универсиаданың мәдәни программасында катнаштык. Чыгышлар Кремльдән ерак булмаган мәйданчыкта үтте. Телевидение журналистлары бригадасы безнең янга килгәч, гаҗәпләнеп, сорадык : «Ни өчен нәкъ менә безне сайладыгыз?" Һәм шундый җавап ишеттек: "Сезнең костюмнарыгыз матур, үзенә җәлеп итеп тора һәм ихлас күңелдән җырлыйсыз". Кызганыч, көчле яңгыр башлану сәбәпле, программаны кыскарттылар.
Алексей Богатов, Гадәттән тыш хәлләр министрлыгы бүлеге хезмәткәре:
- Уеннар барышында Казанда булдым, безнең вазифа Универсиада объектларында янгын куркынычсызлыгын тәэмин итү иде. Мин баскетбол ярышлары узган "Мирас" спорт комплексында кизү тордым. Баскетболчылар ярышканны карарга давакыт таптым.
- Марат Зарипов, нотариус:
- Универсиада ачылуга билетларны бер ел алдан алдык һәм гаиләм белән түземсезләнеп бу вакыйганы көттек. Зур тәэсир алырбыз дип фаразлаган идем. Әмма күргәннәребез без көткәнчә генә булып чыкмады. Югары дәрәҗәдә оештырылган шундый искиткеч тамашаны тасвирларга сүзләр җитми. Тавыш, ут, махсус эффектлар - боларның барысына кеше көче, тырышлыгы куелган.
Илебез җитәкчелеге өчен дә шатланабыз. Тантана барышында Владимир Путинның элеккеге һәм хәзерге Президентларыбыз М.Шәймиев һәм Р.Миңнехановка хөрмәтле мөнәсәбәте күңелләрнең нечкә кылларына кагылды. Яшьлек, рухи дәрт, спорт азарты хөкем сөргән ярышларны зур кызыксыну белән күзәттек. Суга сикерү аеруча тәэсирләндерде, анда безнең спортчы Евгений җиңде. Улым Равил җиңел атлетика белән шөгыльләнә, яшүсмерләр разряды бар. Киләчәктә ул Универсиада һәм Олимпия уеннарында катнашыр дип хыяллана.
Елена Садовникова, "Бердәм Россия" партиясенең җирле башкарма комитеты белгече:
- Универсиада ачылу тантанасы, аның чараларын оештыру зур тәэсир калдырды - барысы да төгәл, оешкан төстә, күләмле. Шундый гаммәви вакыйгада катнашуыма ышанасы килми. Әһәмиятле чараны әзерләү һәм үткәрү өчен нинди талант иясе булырга кирәк. Сәхнәдән күзне алып булмады. Республикам өчен горурланып утырдым.
Сергей Темников, полиция подполковнигы, Менделеевск эчке эшләр бүлегенең җыелма отряды җитәкчесе:
- Безнең 30 кешедән торган отряд "Мәскәү" спорт комплексында куркынычсызлыкны тәэмин итү һәм җәмәгать тәртибен саклау белән шөгыльләнде. Һәр хезмәткәрнең үз җаваплылык зонасы булды. Мин министр боерыгы нигезендә дүрт - Менделеевск, Апас, Югары Ослан һәм Еврей автономияле округы җыелма отрядлары вакытлы оешкан объект өчен җаваплы идем. Кизү торганда гадәттән тыш хәлләр күзәтелмәде. Хезмәткәрләргә Универсиаданы тамаша кылу мөмкинлеге булмады - график бик киеренке иде.
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84
