Менделеевлылар Питрауның егерменче юбилеенда

Анда 43 керәшен ансамбле, шул исәптә Иске Гришкин мәдәният йортыннан «Бигәш», Сәйтәктән «Карендәшләр» һәм С.Гассар исемендәге мәдәният сараеннан «Туганайлар» катнашты.

Бәйрәмгә җыелганнар ат чабышларын, шулай ук керәшен ишегалдын карадылар. «Керәшен чибәре» мәйданчыгында узган елдагы җиңүчеләр катнашты. Алар халык җырларын һәм биюләрен тәкъдим иттеләр.

Безнең коллективлар керәшен фольклор коллективларының республика фестивалендә лаеклы чыгыш ясадылар һәм лауреат булдылар. Аларга истәлекле юбилей статуэткалары тапшырылды.