Менделеевск яңалыклары
  • Рус Тат
  • Менделеевск һәм Алабуганы иҗади хезмәттәшлек берләштерде

    БСМ сәхнәсендә эстраданың яшь йолдызлары Бөтенроссия, республика күләмендәге фестивальләр дипломантлары һәм лауреатлары - Алабуганың мәдәният һәм сәнгать колледжы студентлары чыгыш ясады. Бу юлы алар "Яхшы кәеф" дип исемләнгән сәхнәләштерелгән шоу күрсәттеләр. Концерт попурридан башланды. Анда "Приключения Шурика", "Вечера на хуторе близ Диканьки" комедияләреннән сәхнәләштерелгән өзекләр һәм "Битва экстрасенсов" проекты тәкъдим...

    БСМ сәхнәсендә эстраданың яшь йолдызлары Бөтенроссия, республика күләмендәге фестивальләр дипломантлары һәм лауреатлары - Алабуганың мәдәният һәм сәнгать колледжы студентлары чыгыш ясады.
    Бу юлы алар "Яхшы кәеф" дип исемләнгән сәхнәләштерелгән шоу күрсәттеләр. Концерт попурридан башланды. Анда "Приключения Шурика", "Вечера на хуторе близ Диканьки" комедияләреннән сәхнәләштерелгән өзекләр һәм "Битва экстрасенсов" проекты тәкъдим ителде. Аннан вокал һәм биюләрнең чын фейерверкы булды. Кыш бабай һәм Кар кызыннан башка Яңа ел алды тамашасы узамы? Алар да менделеевлыларны якынлашып килүче бәйрәм белән котларга чыктылар.
    - Без концерт карарга гаиләбез белән килдек, анда зур кызыбыз Сөмбел катнашты, ул актёрлык сәнгате факультетының өченче курс студенты, - ди дүрт бала анасы Айгөл Насыйрова. - Тамашадан ихлас канәгатьләнү алдык. Училище укытучыларына рәхмәт.
    - Концерт бер сулышта үтте. Ветераннар исеменнән оештыручыларга рәхмәт белдерәбез, - ди пенсионерлар берлеге рәисе Розия Бикметова.
    Бу көнне район хакимияте һәм колледж арасында хезмәттәшлек турында килешүгә кул куелды. Район башлыгы исеменнән урынбасары Константин Макаров студентларга рәхмәт әйтте һәм залдагыларны якынлашып килүче бәйрәм белән котлады. Концерт шәһәрнең Яңа ел алды чараларына старт бирде.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: