Менделеевскида виртуаль концертлар залы ачылды

Бөтенроссия китапханәләр көне алдыннан үзәк китапханәдә виртуаль концертлар залының тантаналы ачылуы булды. 
Ул “Мәдәният” милли проекты “Цифралы мәдәният” федераль проектын чынга ашыру нәтиҗәсендә барлыкка килде. Тиздән укучылар һәм китапханә кунаклары танылган коллективларның һәм солистларының концерт язмалары һәм туры эфирдан чыгышлары белән ләззәтләнә алачаклар. Татарстанда мондый концерт заллар бер дистә генә. Бәйрәмнең кунакларын һәм оештыручыларын район башлыгы урынбасары Ләйсән Галиева сәламләде. Ул Үзәкләштерелгән китапханәләр системасы директоры Людмила Красноперва һәм методик-бибилиографик бүлекнең баш китапханәчесе Әлфия Ермакованы район җитәкчесе Радмир Беляевның Рәхмәт хаты белән бүләкләде. 

Гөлназ Фамуллина фотосы