Менделеевскидан экс-чиновник Яр Чаллы татар театрының башкарма директоры булды

Айдар Сәфәргалин үзенең билгеләнүенә аңлатма бирде. «Минем функциягә хуҗалык эшчәнлеге белән җитәкчелек итү, продюсерлык һәм маркетинг, театрга бюджеттан тыш средстволар җәлеп итү керә. Бүгенге көндә театр бинасында масштаблы төзелеш эшләре бара. Аны республика көненә ачу күздә тотыла. Октябрь-ноябрьдә яңа иҗат сезонын ачарга һәм декабрьдә театрның 30 еллыгын бәйрәм итәргә планлаштырабыз.