Менделеевскиның мәдәният хезмәткәрләре Әлмәткә эшлекле сәфәр кылдылар

4 нче апрель көнне Менделеевск районының мәдәният хезмәткәрләре Әлмәт татар дәүләт драма театрында иҗади лабораториядә катнаштылар.

Башта У. Шекспир әсәре буенча куелган "Киребеткән" спектакле күрсәтелде. Яңа форматта куелган кинаяле шаяру тамашачылар күңеленә үтеп керерлек итеп уйналды. Соңыннан мастер- классларда гримм салу серләре, декорация, бүгенге көн пьесасына хас үзенчәлекләр турында күп мәгълүмат бирелде.

Эшлекле сәфәр яңалыкларга бай булуы, файдалылыгы һәм күңеллелеге белән катнашучыларның исендә калды.