«Песи йорты»нда кем яши

Залда утырган балаларга, аларның ата-аналарына һәм остазларына сәхнә геройлары белән әкият буйлап сәяхәт итүе күңелле һәм мавыктыргыч булды. БСМның эстетика бүлекчәсе педагогы А.Напольских сүзләренчә, театр сыйныфында 50гә якын кыз һәм малай укый.

– Бу әкиятне тугыз һәм ун яшьлек укучылар белән ел дәвамында әзерләдек. Мондый зур форматта беренче мәртәбә чыгыш ясадык. Үз осталыкларын өченче театр классының ун укучысы күрсәтте. 3 апрельдә алардан зуррак яшьтәге балалар чыгышы күздә тотыла, – дип билгеләде Анна Николаевна. –Әлеге спектакль белән Яр Чаллыда узачак «Без бергә булганда» Халыкара бәйгесендә катнашу планлаштырыла.

Рольләрне оста итеп Алена Матузок, Марк Кривоконев, Амиля Кантуганова, Арина Стахеева, Ләйсән Насыйрова, Алия Абдрахманова, Тимофей Филиппов, Элина Әхмәтова, Эльвина Зиннәтуллина һәм Зарина Камалетдинова башкардылар.

Спектакльне балалар бакчаларында һәм “Кама таңнары” приютында тәрбияләнүчеләр, мәктәпләрнең башлангыч сыйныфлар укучылары, ата-аналар, укытучылар, театр сөючеләр җылы кабул иттеләр.

– Артистлар һөнәри дәрәҗәдә уйнадылар. Рольләр дөрес сайланган, сәхнә костюмнары зәвыклы, бизәлеш тиешле дәрәҗәдә, актерларның сөйләме куелган. Режиссерның тырыш хезмәте сизелә, – дип тәэсирләре белән уртаклашты шәһәрдәшебез, элеккеге режиссер Фәридә Коростелева. – Зал матур, иркен, уңайлы. Киләчәктә яңадан-яңа спектакльләр булыр дип ышанабыз.

6 нчы «Алёнушка» мәктәпкәчә учреждениесе тәрбиячесе Мария Гагарина әйтүенчә, алар нәни артистлар чыгышыннан канәгать калдылар.