ПЕСӘЙЛЕЛӘР ТАТ.ТӘКӘШ АВЫЛЫНДА КОНЦЕРТ БЕЛӘН
Песәй авылы үзешчәннәре Тат.Тәкәш авылына концерт программасы белән барып, авыл халкын күңелле ял иттерделәр.
Песәйлеләр әлеге авыл клубын үз итеп, яратып киләләр. Кечкенә генә авыл булуга карамастан,зал халык белән тулы иде. Алар һәр музыкаль чыгышны, кызыклы скетчларны, биюләрне җылы кабул иттеләр. Моның шулай булуын озакка сузылган алкышлар раслады. Мәдәният хезмәткәрләре Рафаэль Кабиров, Фирдәвес Рәхмәтуллина оештырган концертка Тат. Тәкәш авылының клуб мөдире Айгөл Мусина тарафыннан, авыл халкы исеменнән югары бәя бирелде. Иске Яңа елга моннан да яхшы бүләк булмавын залдагыларның күз карашларыннан аңларга мөмкин иде.
Ә артистлар шундый җылы каршы алганнары, кунакчыл булуларына рәхмәт белдереп, кешеләргә матур кич бүләк итә алуларына горурланып, ниндидер рухи канәгатьлек кичерделәр.
Следите за самым важным и интересным в Telegram-каналеТатмедиа
Нет комментариев