Менделеевск яңалыклары
  • Рус Тат
  • Раштуа ярминкәсе – изге традиция

    Татар Чаллысы авылында Раштуа ярминкәсе изге һәм матур традициягә әйләнеп бара. 8 гыйнварда җирлек территориясендә булган бәйрәм чарасында катнашучы авыл халкы һәм кунаклар шундый фикергә килде. Идея биреп дәртләндерүче җирлек башлыгы Татьяна Кузнецова җитәкчелегендә социаль-мәдәни учреждениеләр хезмәткәрләре өченче ел рәттән изге традицияләрне һәм йолаларны яңарту буенча тыгыз элемтәдә эшлиләр. Ярминкәгә...

    Татар Чаллысы авылында Раштуа ярминкәсе изге һәм матур традициягә әйләнеп бара. 8 гыйнварда җирлек территориясендә булган бәйрәм чарасында катнашучы авыл халкы һәм кунаклар шундый фикергә килде.
    Идея биреп дәртләндерүче җирлек башлыгы Татьяна Кузнецова җитәкчелегендә социаль-мәдәни учреждениеләр хезмәткәрләре өченче ел рәттән изге традицияләрне һәм йолаларны яңарту буенча тыгыз элемтәдә эшлиләр. Ярминкәгә килүчеләр Раштуа рухын тулы күләмдә сизәргә өлгерделәр.
    Дәртле музыка, шаян такмаклар, махсус киенгән кешеләрнең чыгышлары бәйрәмгә тагын да күңеллелек өстәде.
    Үз эшенең осталары - шәхси эшмәкәрләр Фәрук Ситдыйков һәм Елена Сазонова әзерләгән хуш исле шашлык һәм камыр ризыкларыннан башка Раштуа ярминкәсен күз алдына китерү мөмкин түгел.
    Җирлек башлыклары Евгений Никифоров, Валентина Мамакова, Нурия Сапаева, Илнур Ахунҗанов, Валентина Пономарёва, шулай ук "Юность" РМЙ директоры Рәйхана Ситдыйкова эгидасында чыгыш ясаган Яңабирде, Иске Гришкин, Монай, Камай, Ижёвка авыллары мәдәният йортлары артистлары зур бәйрәм атмосферасы тудырдылар.
    - Без кунакчыллыгы, күләмле халык бәйрәмнәре үткәрү буенча тәҗрибә алу мөмкинлеге тудырганы өчен Татьяна Петровнага рәхмәтле, - диләр авыл муниципаль берәмлекләре җитәкчеләре.
    - Элек изге традицияләр күп булган. Безнең бурыч - аларны яңартып, яшь буынга җиткерү, - диде сәламләү сүзендә район башлыгы Игорь Привалов исеменнән чыгыш ясаган башкарма комитет җитәкчесенең социаль мәсьәләләр буенча урынбасары Павел Миронов, җыелганнарга уңышлар, иминлек, сәламәтлек һәм бәхет теләп.
    Район башкарма комитетының мәдәният идарәсе начальнигы Лилия Галиева чараны оештыручыларга һәм катнашучыларга рәхмәт белдерде.
    Район Советы депутаты Миңнегаян Мөхәмәтҗанов һәм "Богатый лог" бакчачылык ширкәте рәисе Гөлшат Затеева котлауларга кушылдылар, хуҗаларга бүләк тапшырдылар.
    "Бердәм Россия" партиясенең җирле бүлекчәсе башкарма комитеты җитәкчесе Клавдия Смирнова авыл мәктәбенең уку алдынгыларына Яңа ел һәм Раштуа бәйрәмнәре уңаеннан татлы бүләкләр тапшырды.
    - Мин тамашадан кәнагәтьләнү алам. Күңелдә шатлык хөкем сөрә. Безнең өчен бәйрәм оештыруда катнашучыларга рәхмәт, - ди Галина Никифорова.
    8 нче сыйныф укучысы Антон Фоминов бәйрәм җәелдерелгән мәйданга дуслары белән килгән.
    - без канәгатьләнү хисе һәм яхшы кәеф белән үзара аралашабыз. Барыгызны да бәйрәм белән котлыйбыз, - ди Антон.
    Авыл хуҗалыгы җитештерүчеләре товарлары күргәзмәсе игътибарны җәлеп итә.
    - Күргәнегезчә, кәбестәнең ниндие генә юк: свежий, тозлы, ачытып тозлаганы. Һәм бу юкка гына түгел. Без бу яшелчәгә махсус басым ясадык, чөнки элек Татар Чаллысында кәбестәнең төрле сортларын үстергәннәр, аны сатып алырга төрле җирләрдән килгәннәр. Без "кәбестә" брендын кире кайтарырга телибез, - дип сөйли клуб мөдире Флёра Халикова.
    Күңел ачу программасы кызу темплар белән дәвам итә. Кечесе һәм олысы әйлән-бәйлән уенында катнаша.
    Җыелганнар Кыш бабай һәм Кар кызы белән берлектә халык яраткан җырларны башкаралар.
    Лариса Кривилёва

    Рәис Сәхапов фотолары

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: