С.Гассар исемендәге мәдәният сараенда «Талларым» ансамбленең юбилей концерты булды

Заманча хитлар, халык җырлары, ихлас теләкләр, котлаулар, бүләкләр программаның нигезен тәшкил итте. ТРның атказанган мәдәният хезмәткәре Клара Галләмаова җитәкләгән «Талларым» ансамбле район һәм республика дәрәҗәсендәге чараларның күрке. Бу турыда башкарма комитет җитәкчесенең социаль мәсьәләләр буенча урынбасары вазифаларын башкаручы Наталья Ямалеева, Мәдәният идарәсе начальнигы Екатерина Шиһапова, Мәдәният сарае директоры Ләйсән Латыйпова, ветераннар хорында катнашучылар һәм башкалар әйттеләр.

«Талларым» менделеевлыларны кичә дәвамында яңа җырлар, соло чыгышлары, күтәренке кәеф белән шатландырды.