“Шаян” – дипломант

2000 елдан үткәрелүче "Весенние выкрутасы" балалар һәм яшьләр иҗаты халыкара конкурс-фестиваленә Татарстан, Россия төбәкләреннән һәм чит илләрдән 2 меңгә якын чыгыш ясаучы җыела.
6-25 яшькәчә катнашучыларның осталыгын билгеле балетмейстерлар, хореографлар, дизайнерлар, вокал педагоглары бәяли. Күптән түгел Казанда узган шундый бәйгедә Менделеевск данын "Шаян" бию коллективы яклады һәм «Халык биюе» номинациясендә бронза дипломант исеменә лаек булды. Алар жюри хөкеменә дүрт номер тәкъдим иттеләр: "Русь", "Сөембикә", "Барыня" композицияләре һәм төрек биюе.