Менделеевск яңалыклары
  • Рус Тат
  • Шәһәребездә – ТР фольклор музыкасы дәүләт ансамбле

    С.Гассар исемендәге мәдәният сараенда ТР дәүләт фольклор музыкасы ансамбле концерты булды. Аны ансамбльнең сәнгать җитәкчесе, Россиянең атказанган, Татарстанның халык артисты Айдар Фәйзрахманов алып барды. Республиканың барлык шәһәр һәм районнарында, җир шарының бик күп илләрендә чыгыш ясаган коллективны тамашачы һәрвакыт көтеп ала һәм алкышларга күмә. - Татар милләтенең тарихын, мәдәниятен һәм...

    С.Гассар исемендәге мәдәният сараенда ТР дәүләт фольклор музыкасы ансамбле концерты булды. Аны ансамбльнең сәнгать җитәкчесе, Россиянең атказанган, Татарстанның халык артисты Айдар Фәйзрахманов алып барды.

    Республиканың барлык шәһәр һәм районнарында, җир шарының бик күп илләрендә чыгыш ясаган коллективны тамашачы һәрвакыт көтеп ала һәм алкышларга күмә.

    - Татар милләтенең тарихын, мәдәниятен һәм сәнгатен халкыбызга, аеруча яшь буынга җиткерүдә ансамбль уңышлы эшли. 14 ел җитәкче булып эшләү дәверендә күп җирләр, илләр гиздек, татарлар булмаган җир юк. Халык иҗатын дөньяга танытуда директор Гөлшат Шарапованың тырыш хезмәте мактауга лаек, -ди профессор Айдар Фәйзрахманов.

    Концерт барышында дәртле җырлар, очкынлы биюләр, халык уен кораллары ансамбле чыгыш ясады.

    С.Гассар исемендәге мәдәният сарае директоры Радик Ахунҗанов Халыкара хатын-кызлар бәйрәме алдыннан гаҗәеп концерт тәкъдим иткән ансамбльгә рәхмәт белдерде һәм чәчәк бәйләме бүләк итте.

    - Программа тирән эчтәлекле, һәр чыгыш зур осталык белән башкарылды, киемнәре күз явын алырлык, кадрдагы табигать күренешләре, туган ягыбызның матурлыгына сокланып туймаслык, татар булуыма күңелемдә горурлык хисләре тойдым, биредә алган тәэсирләрне аңлатырга сүзләр җитмәс кебек, - диләр менделеевлылар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: