Традицияләрне яңарту буларак Раштуа ярминкәсе

автор, 10 гыйнвар 2013 - 13:00

1626

Икенче ел рәттән Татар Чаллысы җирлеге территориясендә олысы-кечесе Раштуа ярминкәсенә җыела. Гасырлар аша килгән бу изге традиция җирлек башлыгы Татьяна Кузнецова эгидасында авыл клубы хезмәткәрләре тырышлыгы белән яңара. Рәйхана Фәрхетдинова җитәкчелегендәге "Юность" РМЙ хезмәткәрләре бәйрәмне әзерләүгә һәм сәхнәне бизәүгә зур өлеш кертәләр. Шоу авыл үзәгендә узды. Төрле киемнәрдәге әйдәманнар халыкны...

Рәйхана Фәрхетдинова җитәкчелегендәге "Юность" РМЙ хезмәткәрләре бәйрәмне әзерләүгә һәм сәхнәне бизәүгә зур өлеш кертәләр.

Шоу авыл үзәгендә узды. Төрле киемнәрдәге әйдәманнар халыкны әйлән-бәйлән уйнарга чакыралар, дәртле җырлар башкаралар, чәй һәм коймаклар белән сыйлыйлар. Шул ук мәйданда халык һөнәрләре товарлары, шәхси ярдәмче хуҗалык җитештергән продукция белән сәүдә оештырылды.

Татар Чаллысының визит карточкасы - икмәк пешерү һәм бытбылдык үрчетү. Шәхси эшмәкәр Сазоновларның икмәк һәм камыр әйберләренә ихтыяҗ зур.

Кыздырылган бытбылдык итен һәм аларның йомыркаларын тиз арада сатып алып бетерәләр. Фермер Фәрук Ситдыйков шәхси хуҗалыгында өченче ел рәттән бу диетик продукцияне җитештерә.

- Элек һәр авыл үз традицияләре белән яшәгән. Безнең бурыч - аларны искә алу һәм яшь буынга тапшыру. Ярминкә күп кунаклар җыйды, шунысы куандыра, - дип билгеләп үтте район башкарма комитеты җитәкчесенең социаль мәсьәләләр буенча урынбасары Павел Миронов, җыелганнарны район башлыгы Игорь Привалов исеменнән тәбрикләп.

- Без бәйрәм чарасы барышын ихлас күңелдән күзәтәбез, мондый гамәлләр оештыру тәҗрибәсен өйрәнәбез. Безнең җирлекнең дә үз традицияләре бар. Аларны яңартуга керешергә кирәк, - диләр Тихоново һәм Ижевка җирлекләре башлыклары Екатерина Филатова һәм Валентина Пономарева.

- Татар Чаллысы халкы бик кунакчыл. Безгә монда ошый, коллеганы хупларга килдек, - диләр Камай, Турай, Яңабирде, Иске Гришкин җирлекләре башлыклары.

- Оештыручыларга һәм артистларга рәхмәт. Бураново әбиләреннән ким җырламыйлар, - дип өстиләр хезмәт ветераннары Прасковья Кривилева һәм Антонина Шишова.

- Мин оныгым Полина белән килдем. Аңа концерт ошады. Күңелле тамаша карап рәхәтләндек, ял итәбез. Көне дә бик матур, - диләр Надежда Игнатова һәм Татьяна Мөхәмәдиева.

Чыннан да, фольклор коллективлар чыгышы да өстәлгән бәйрәм программасы искиткеч булды. Г.Мальгин, М.Ботникова, И.Иванов, О.Подшивалова, И.Килеева җитәкләгән "Элнет", "Теремшур", "Бигәш", "Тихоновские зори", "Былина", ансамбльләре, солистлар Марина Мокшина, Вячеслав Бәйрәмгулов башкарган җырлар алкышларга күмелде. Кыш бабай (В.Никифоров) һәм Кар кызы (Е.Дунаева) белән берлектә халык әйлән-бәйлән уйнады, җырлады, биеде.

Л.Кривилёва

А.Владимиров фотосы