Яшь менделеевлылар “Йолдызлык” фестиваленең сайлап алу этабында иң яхшы номерларын күрсәттеләр.
Мәдәни мирас елына багышланган фестивальда 137 чыгыш тәкъдим ителде.
Балалар иҗат коллективлары районыбызның төрле почмакларыннан С. Гассар исемендәге мәдәният сараена, “Йолдызлык” фестиваленең сайлап алу этабына, җыелдылар. Катнашучылар “Хореография”, “Вокал” һәм “Конферансье” жанрларында осталыкларын күрсәттеләр.
Бу елны балалар бакчалары коллективлары да номерларын тәкъдим иттеләр. Балалар иҗат үзәге, Балалар сәнгать мәктәбе, Серегей Гассар исемендәге мәдәният йорты укучылары оригиналь чыгышлар күрсәттеләр. Авыл мәдәният йортларында шөгыльләнүче коллективларының номерлары аеруча сөендерде.
Нәтиҗәдә жюри иң-иңнәрне билгеләде. Алар зона этабында районыбыз данын яклаячак.
Следите за самым важным и интересным в Telegram-каналеТатмедиа
Нет комментариев