Менделеевск яңалыклары
  • Рус Тат
  • Зәңгәр беретлар

    С.Гассар исемендәге Мәдәният сараенда тулы аншлаг белән Россия һава десанты гаскәрләре ансамбленең шундый исемдә концерты узды. Россиянең атказанган артистлары 30 ел дәвамында җир шарының, шул исәптә илебезнең төрле төбәкләрендә, уңышлы чыгыш ясыйлар. Легендар ансамбль шәһәребездә беренче мәртәбә булды, бу көнне аларның 2997 нче концерты тамашачы хозурына җиткерелде. Төркемдәгеләр - ансамбльнең...

    С.Гассар исемендәге Мәдәният сараенда тулы аншлаг белән Россия һава десанты гаскәрләре ансамбленең шундый исемдә концерты узды. Россиянең атказанган артистлары 30 ел дәвамында җир шарының, шул исәптә илебезнең төрле төбәкләрендә, уңышлы чыгыш ясыйлар. Легендар ансамбль шәһәребездә беренче мәртәбә булды, бу көнне аларның 2997 нче концерты тамашачы хозурына җиткерелде.

    Төркемдәгеләр - ансамбльнең алыштыргысыз җитәкчесе, полковник Сергей Яровой, сәнгать җитәкчесе урынбасары, полковник, җырлар авторы Юрий Слатов; оранжировкалар ясаучы, музыкантлар Денис Платонов һәм Дмитрий Вахрушин, тавыш режиссеры Егор Сердечный залдагыларга иң яхшы җырларын тәкъдим иттеләр. Концерт барышында Россиянең Кораллы көчләре, хәрби бәрелешләр, әти-әниләр һ.б. темаларга багышланган әсәрләр яңгырады. "Голубые береты", "Письмо матери", "Ордена не продаются", "Разговор с портретом" һәм башка җырлар тамашачы күңелен әсир итте.

    Бүгенге көндә ансамбльнең 10 альбомы дөнья күргән. Гимнга әверелгән "Синева" җырын башкарганда тамашачы-десантчыларның бердәм булып сәхнә алдына тезелеп басулары иң матур мизгел булып истә калды.

    Район башлыгы Валерий Чершинцев менделеевлылар һәм шәхсән үз исеменнән башкала артистларына тирән эчтәлекле концерт өчен рәхмәт сүзләре җиткерде, аларның Менделлевскига кабат килүләренә ышаныч белдерде, картина һәм чәчәк бәйләме бүләк итте.

    - Концертка билет әле генә алдым, булырмы икән, дип борчылган идем. Яшь чакта әлеге ансамбльнең аһәңле җырларын тыңлап үстек. Бу төркем Әфганстанда оештырылды. Артистларның чыгышы искиткеч, чыгышлары һәркемнең хәтерендә озак сакланыр, - ди шәһәрдәшебез Флүрә Гыймаева.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: