Моң илендә ярышлар

Күптән түгел Чаллыда "Музыка йолдызы яңгыры" конкурсы республиканың яшь вокалчыларын җыйды.

Бәйгедә җыр башкаруда осталыкларын сынаган 6 нчы балалар бакчасында тәрбияләнүче Маша Аднашова (педагог Валерий Замятин), Гассар исемендәге мәдәният сараенда шөгыльләнүче Рәмилә Гайнетдинова, Гүзәл Гатауллина (Лира Улько), Диана Гурьянова, Азалия Төхвәтова (7 нче бакча, Гөлнар Төхвәтова) беренче турда төрле дәрәҗә дипломнарга ия булдылар. Сәнгать мәктәбе укучысы Настя Мессеева конкурсның икенче турына үтте һәм беренче дәрәҗә лауреат булды (Алена Белоусова). Педагог Лира Ульконың шәкерте Сирануш Овсепян да шул ук дәрәҗә лауреат исемен алды.