Менделеевские новости
  • Рус Тат
  • Алабугада “Лира Прикамья” яңгырады

    Чын поэзия күңелгә шатлык китерә. Менделеевск шагыйрьләренең "Лира Прикамья" исемле җыентыгын тәкъдир итү кичәсендә алабугалылар моңа инанды. Космонавтика көнендә ут күршеләребезгә җыентыкны тәкъдим итәргә шагыйрь, педагоглар, мәдәният хезмәткәрләре составындагы делегация килде. Чара "Көмеш гасыр китапханәсе"ндә булды. Шагыйрь һәм язучы Роберт Ясәвиев күптән түгел бастырылган "Көмеш чыңнар" ("Серебряные звоны") исемле романы...

    Чын поэзия күңелгә шатлык китерә. Менделеевск шагыйрьләренең "Лира Прикамья" исемле җыентыгын тәкъдир итү кичәсендә алабугалылар моңа инанды.
    Космонавтика көнендә ут күршеләребезгә җыентыкны тәкъдим итәргә шагыйрь, педагоглар, мәдәният хезмәткәрләре составындагы делегация килде. Чара "Көмеш гасыр китапханәсе"ндә булды.
    Шагыйрь һәм язучы Роберт Ясәвиев күптән түгел бастырылган "Көмеш чыңнар" ("Серебряные звоны") исемле романы турында сөйләде, анда узган гасырның 20-90 нчы еллары вакыйгаларын эченә алган язмалар бар. Роберт Латыйпович төрле елларда язылган ватан, ана, табигатькә багышланган шигырьләрен укыды. Тамашачы аның "Чаян" республика сатира һәм юмор журналында басылган шаян әсәрләрен зур кызыксыну белән тыңлады. Шагыйрь һәм язучының 60 яшьтән узгач фортепианода уйнарга өйрәнүе һәм музыка язуы турында ишетү көтелмәгән хәбәр булды. "Көмеш гасыр китапханәсе"нең кунакханәсендә үзе иҗат иткән "Осенняя элегия" пьесасын тәүге тапкыр башкарып, музыкант буларак чыгыш ясады.
    Җыентыкны альманахның редакторы һәм төзүчесе Радик Ахунҗанов тәкъдим итте. Ул китапны туплау тарихы турында сөйләде, алабугалыларны безнең шагыйрьләрнең кызыклы һәм талантлы әсәрләре белән таныштырды.
    Виктор Колпаков та искә алынды. Туган якны өйрәнү музееның фәнни хезмәткәре Фирүзә Габдрахманова аның иҗаты һәм "Запоздавшее счастье" исемле китабы белән таныштырды.
    Автор-башкаручы Радик Ахунҗанов Андрей Белый, Анна Ахматова, Борис Пастернак, Николай Олешков, Виктор Колпаков шигырьләренә иҗат ителгән җырлар белән чыгыш ясады.
    Шагыйрьләр Рәхим Гайсин, Наталья Вердеревская, Николай Олешков, журналист Мәрьям Ларина очрашу турында тәэсирләре белән уртаклаштылар.
    Андрей Черняев
    Нравится
    Поделиться:
    Реклама
    Комментарии (0)
    Ночной режим