Менделеевские новости
  • Рус Тат
  • Изге Троица балкышында

    3 июньдә кунакчыл Менделеевск җирендә "Изге Троица балкышында" дип исемләнгән икенче республика керәшен мәдәнияте фестивале узды. Иске Гришкин авылы янындагы матур табигатьле яшеллеккә күмелгән алан массакүләм чараны үткәрү урыны итеп билгеләнде. Иртә таңнан анда җанлылык сизелде. - Бу якты бәйрәм көнендә минем якташларымның йортларында күпләп кунак җыела. Троица - халкыбызның...

    3 июньдә кунакчыл Менделеевск җирендә "Изге Троица балкышында" дип исемләнгән икенче республика керәшен мәдәнияте фестивале узды.

    Иске Гришкин авылы янындагы матур табигатьле яшеллеккә күмелгән алан массакүләм чараны үткәрү урыны итеп билгеләнде. Иртә таңнан анда җанлылык сизелде.
    - Бу якты бәйрәм көнендә минем якташларымның йортларында күпләп кунак җыела. Троица - халкыбызның яраткан бәйрәмнәренең берсе. Аның килүе җәй башлану, табигать җанлану белән билгеләнә. Изге китапта язылганча, Троица - уртак шатлык һәм берләшү көне, - дип фикере белән уртаклаша авылда яшәүче Валерий Чернов.
    Иртәнге 10 сәгатькә төрле чәчәкле-үләнле аланда халык күпләп җыелды. Фестивальдә катнашу өчен Татарстанның һәм Удмуртиянең унбер шәһәреннән һәм районыннан 200 делегат килде.
    Бәйрәм тантанасы төрле район вәкилләре парады белән ачылды. Менделеевск, Яңа Чишмә, Питрәч, Балык Бистәсе, Тукай, Минзәлә, Мөслим, Балтач, Грах районнары, Түбән Кама һәм Казан фольклор ансамбльләре колоннага тезелде.
    Һәркайсының кулында - Троица символы - каен агачы ботагы.
    Артистларның төрле төстәге костюмнары күзләрне камаштыра. Тамашачы фольклор ансамбльләр чыгышын көчле алкышларга күмде, алар арасында "Бәрмәнчек" дәүләт керәшен фольклор ансамбле дә булды.
    Импровизацияләнгән сәхнәдән җыелганнарны сәламләп, алып баручылар Виктор Никифоров һәм Галина Бармакова район Башкарма комитеты җитәкчесе Игорь Приваловны микрофон янына чакырдылар.
    - Троица - төрле милләт халыкларын рух күтәренкелеге ярдәмендә берләштерүче гасырлардан килгән традиция. Киләчәктә дә күмәк йортыбызда дуслык һәм иминлек булсын.
    Республика керәшен җәмгыяте рәисе Людмила Белоусова котлауларга кушылды.
    "Шаян", "Кристалл", "Бигәш" коллективларының яшь артистлары үз чыгышларында элеккеге йолалардан өзекләр күрсәттеләр.
    Шул вакытта уңдырышлы авыл җирлегендә яңгыр сибәли башлады.
    - Изге Троица көнендә яңгыр яуса, уңыш мул булыр диләр иде әти-әниләр, - дип бүлешәләр ирле-хатынлы Людмила һәм Валерий Мокеевлар.
    Мәйданда уеннар һәм ярышлар да оештырылды.
    5 нче сыйныф укучысы Антон Миронов капчык сугышында җиңде. 11 нче сыйныфтан Артур Йосыпов беренче омтылышта ук баганага менеп, әтәчне алды. Ике егет тә Иске Гришкин мәктәбендә укыйлар.
    Шоу карарга яратучылар "Керәшен гүзәле" конкурсын мавыгып һәм зур кызыксыну белән күзәттеләр. Киеренке ярыш барышында Балык Бистәсе кызлары җиңү яулады. Якташыбыз Анжелика Комарова икенче урынга чыкты.
    Дипломнар һәм бүләкләр тапшыру чараның кульминациясе булды.

    Нравится
    Поделиться:
    Реклама
    Комментарии (0)
    Осталось символов: