Менделеевские новости
  • Рус Тат
  • Пастернак укулары

    XX гасырның бөек рус шагыйре, язучысы, Нобель премиясе лауреаты Борис Пастернакның Тын Тауда булган чорына 95 ел тулу уңаеннан 3 нче мәктәптә "Пастернак укулары" беренче зональ фәнни-тикшеренү һәм иҗади эшләр конкурсы үтте. Уку учреждениесенең актлар залында авторның китаплары күргәзмәсе эшләде, ул чорны хәтерләткән атмосфера тудырылды. Шәм яктысында әдипнең өлкән сыйныфлар...

    XX гасырның бөек рус шагыйре, язучысы, Нобель премиясе лауреаты Борис Пастернакның Тын Тауда булган чорына 95 ел тулу уңаеннан 3 нче мәктәптә "Пастернак укулары" беренче зональ фәнни-тикшеренү һәм иҗади эшләр конкурсы үтте.



    Уку учреждениесенең актлар залында авторның китаплары күргәзмәсе эшләде, ул чорны хәтерләткән атмосфера тудырылды. Шәм яктысында әдипнең өлкән сыйныфлар башкаруында әсәрләрен уку, сәхнәләштерү һәм слайд-шоу аша тормыш юлын чагылдыру Б.Пастернакны чын гражданин, патриот, күпкырлы иҗат әһеле буларак ачты.
    1916 елда Карпов химия заводында хәрби-исәпләү өстәлен җитәкләгән егет гади халык яшәеше белән якыннан таныша, бай тормыш тәҗрибәсе туплый. Әтисе билгеле рәссам, әнисе уңышлы музыка остасы буларак, күпләр шул өлкәләрне сайлаячагын юрасалар да, Борис Пастернак каләмне гомерлек хезмәт коралы итә. Иҗат җимешләре арасында аны дөньяга танытканы - "Доктор Живаго".
    Туган якны өйрәнү музее директоры Андрей Андрианов, "Менделеевск сәүдә предприятиесе" ҖЧҖ директоры Илсөяр Гобәйдуллина учреждениедә җыелган материал турында сөйләделәр һәм экспонатлар, күргәзмә-стендта чагылган материал буенча видеоролик тәкъдим иттеләр.
    - Россиядә Тарих һәм Татарстанда Мәдәни мирас елында мондый чара оештыру әһәмиятле. Менделеевск төбәге тарихын туплаган китап нәшер итү игътибарга лаек, - дип сүзен башлады башкарма комитет җитәкчесе урынбасары К.Макаров һәм, мондый укулар чикләрен киңәйтер дип, очрашуны оештыручыларга рәхмәтен җиткерде.
    Шул фикерне дәвам итеп, мәгариф идарәсе начальнигы Резедә Гайфуллина туган якны өйрәнүчеләрне Б.Пастернакның Тын Тауда яшәү чорын тирәнтен өйрәнергә чакырды.
    Чара Казан федераль универститетының Алабуга филиалы рус һәм чит ил әдәбияты кафедрасы доцентлары, филология фәннәре кандидатлары Р.Гайсинның, С.Грахованың "Пастернакның шигъри дөньясында предметлар берлеге", "Б.Пастернак Алабугада", өлкән укытучы И.Веревкинаның "Б.Пастернакның иҗади эзләнүләре", ассистент Г.Фролованың "Б.Пастернак һәм Ольга Ивинская. Яңа материаллар" темасына язылган докладлары белән дәвам итте.
    Укуларның икенче өлеше конкурста катнашучыларны "Б.Пастернакның иҗаты, тормышы турында иң яхшы тикшеренү эше", "Иң яхшы слайд материалы", "Илһам" - каләм тибрәтүчеләр һәм авторның хезмәтләренә иллюстрация ясаучылар эшләре, "Иҗади мизгелләр" (татар телендә), "Ачыш" дип аталган дүрт секция эшенә чакырды.
    Беренче зональ "Пастернак укулары" бәйге җиңүчеләрен бүләкләү, очрашуга нәтиҗә ясау һәм резолюция кабул итү белән тәмамланды.
    Укуларны әзерләп уздыруда спонсорлык ярдәме күрсәткән меценат И.Гобәйдуллинага, Н.Гарифуллинага ("1000 төрле вак-төяк" кибете), Р.Моратовка (АТП), Э.Минсадыйровка ("Химсервис" предприятиесе) оештыру комитеты рәхмәт белдерә.

    Нравится
    Поделиться:
    Реклама
    Комментарии (0)
    Осталось символов: