Менделеевские новости
  • Рус Тат
  • Сез хезмәт һәм оборонага әзерме?

    Быелгы уку елында мәктәп укучылары ГТО нормативлары тапшырачаклар. Бу яңалык күп бәхәсләр тудырды, әмма беркемне дә битараф калдырмады. Өлкән буын кешеләре ГТОның нәрсә икәнен яхшы хәтерлиләр. Нәкъ менә алар Владимир Путинның фәрманын хуплап каршылады. Президентның инициативасы массалы спортны үстерү, аның кулайлыгын тәэмин итүгә юнәлдерелгән һәм ул масштаблы милли проект булачак....

    Быелгы уку елында мәктәп укучылары ГТО нормативлары тапшырачаклар. Бу яңалык күп бәхәсләр тудырды, әмма беркемне дә битараф калдырмады. Өлкән буын кешеләре ГТОның нәрсә икәнен яхшы хәтерлиләр. Нәкъ менә алар Владимир Путинның фәрманын хуплап каршылады.

    Президентның инициативасы массалы спортны үстерү, аның кулайлыгын тәэмин итүгә юнәлдерелгән һәм ул масштаблы милли проект булачак. ГТО нормаларын кертү өч елга исәпләнгән һәм ул этаплап узачак. Иң элек башлангыч проект буларак 11 регионда, шул исәптән Татарстанда старт алачак. Икенче этапта илебезнең барлык уку йортлары җәлеп ителә. 2017 елдан алты яшьтән 70 яшькә кадәрге һәм аннан да өлкәнрәк россиялеләргә ГТО нормаларын тапшырырга туры киләчәк. Моның өчен махсус тестлаштыру үзәкләре оештырылачак. Шулай итеп, комплекс теге яки бу социаль, яшь төркеменең активлык дәрәҗәсен күрсәтәчәк.
    ГТО системасы яңартылып, егермедән артык елдан соң, безнең тормышыбызга кире кайта. РФ Спорт министры Виталий Мутко билгеләп үткәнчә, ГТО нормативларына өч йөздән артык үзгәреш кертелде, дүрт дистәгә кадәр төрле сынаулар тәкъдим ителде, тестлаштыру системасы эшләнде. Тормыш чынбарлыгыннан чыгып, комплекс камилләштереләчәк һәм корректланачак.
    Бүләкләү системасы да уйланды. Совет чорында "Хезмәткә һәм оборонага әзер" билгесе яшьләр арасында бик популяр булды. Аны комсомол значогы белән рәттән кадап йөрттеләр һәм бик горурландылар. 2015 елдан андый значогы булганнарга югары уку йортына кергәндә өстенлек бирелә. Проект тәкъдим иткәнчә, ГТО нормаларын тапшырган кешеләргә алтын, көмеш һәм бронза значоклар, шулай ук спорт разряды һәм званиесе биреләчәк. "Хезмәткә һәм оборонага әзер" физкультура-спорт комплексы нормаларын тапшыру өчен физик әзерлек булу мөһим. Бу менделеевлыларга секцияләргә даими йөрергә, сәламәт яшәү рәвеше алып барырга стимул бирә.
    Комплекска керә:
    ♦ төрле дистанцияләргә йөгерү;
    ♦ чаңгыда йөрү;
    ♦ биеклеккә һәм озынлыкка сикерү;
    ♦ турникта тартылу;
    ♦ йөзү;
    ♦ спорт снарядын ыргыту;
    ♦ пневматик винтовкадан ату (егетләр).

    Материалның тулы вариантын "Менделеевск яңалыклары" газетасыннан укыгыз.

    Нравится
    Поделиться:
    Реклама
    Комментарии (0)
    Осталось символов: