«Һава торышы безнең яклы»
диделәр Актәҗек халкы.– Без гыйбадәт кылып кояшлы көн булуын сорадык һәм шулай булды да!
Кунакларны милли шәлләрдән булдырылган импровизацияләнгән капкалар янында каршы алдылар. Район башлыгы урынбасары Ләйсән Галеева һәм Монаш җирлеге башлыгы Ростислав Иосифов традицион мари ризыгы шишарадан авыз иттеләр, аннан соң җыелганнарны сәламләделәр.
Мәдәни программага җирле артистлар концерты, уеннар, балалар Сабантуе керде.
– Без шашка уеннарында ярыштык, – дип уртаклашты Даниэл Мартынов. – Уен барысына да ошады, дусларыбыз безнең өчен җан аттылар.
Теләгәннәр кәрҗин үрү буенча мастер-класс карадылар, тәмле аштан авыз иттеләр, зур әйлән-бәйләндә катнаштылар.
Очрашу урыны – Тагай
Тагай янындагы яшел алан якташлар, артистлар һәм кунакларның очрашу урыны булды.
– Бездә күптәннән мондый матур һәм рух күтәренкелеге бирүче бәйрәмнең булганы юк иде, – дип белдерделәр хезмәт ветераннары Анна Фёдоровна һәм Иван Николаевич Шарыгиннар. – Бүген ерак авыллардан да килгәннәр, барысы да аралашалар, бер-берсенә яңалыклар җиткерәләр, кәеф күтәренке. Оештыручыларга рәхмәт!
– Халыкка үзебезнең иң яхшы җырларыбызны бүләк итәбез, – диләр С.Гассар исемендәге «Туганайлар» ансамблендә катнашучылар, – алар белән бергә бәйрәм шатлыгын уртаклашабыз.
Җыелганнарны район башлыгы урынбасары Ләйсән Галеева, Абалач җирлеге башлыгы Ильнар Исрафилов котладылар.Бу көнне хөрмәтле авыл аксакалларын тәбрикләделәр. Концерт программасы, халык күңел ачулары, зур әйлән-бәйлән, учакта әзерләнгән ботка – боларның барысы да авыл халкы күңелендә озак сакланыр.
Бергә күңеллерәк
Җитмештән артык ахтияллы һәм кунаклар Авыл көненең мөһим кунаклары булдылар.
– Бәйрәмгә күршеләр, күптәннән күрешмәгән сыйныфташлар җыелды, – дип мөрәҗәгать итте Турай җирлеге башлыгы Альфира Рәхимова. – Аларның барысы да күзгә күренмәс җепләр белән кече ватаннарына бәйләнгән. Бүген барысы да ихластан күңел ачачаклар, артистлар туган як матурлыгына мәдхия җырлаячак.
Концерт программасында Турай, Татар Тәкәшеннән җырчылар чыгыш ясады.
– Бәйрәм уртак һәм барыбызга да күңелле, – диделәр алар.
Милли палитра
Милли колорит белән авыл көне
Актәҗек, Тагай һәм Татар Ахтиялында Авыл көннәре узды.
Следите за самым важным и интересным в Telegram-каналеТатмедиа
Нет комментариев