Менделеевск яңалыклары
  • Рус Тат
  • Җырларда һәм биюләрдә – күңел көзгесе

    Районда ай буенча дәвам иткән милли мәдәниятләр фестивале зур гала-концерт белән тәмамланды.

    С.Гассар ис. мәдәният сараенда талантларын керәшеннәр, удмуртлар, марилар, руслар һәм татарлар күрсәтте. Һәр чыгыш көчле алкышлар белән үрелеп барды. Үзешчән артистлар традицияләрен һәм гореф-гадәтләрен җырларда һәм биюләрдә чагылдырдылар.

    – Без “Сабантуй” композициясен тәкъдим иттек, – ди Бәзәкә клубы активисты Фәрид Гәрәев.– Бу күпгасырлык бәйрәм татарларның бай мәдәниятен тулысынча тасвирлый.

    1 нче мәктәп укытучысы Венера Муллахмәтова концертка үзенең җиденче сыйныфын алып килгән.

    – Концер алар өчен Бондюг төбәгендә яшәүче халыкларның үзешчән сәнгате белән танышу өчен менә дигән мөмкинлек.

    – Милли җырларда һәм биюләр – күңел көзгесе, – диде район башлыгы Валерий Чершинцев. – Сез булдырдыгыз! Киләсе елга катнашучылар саны икеләтә артыр һәм гала-концерт яңартылган Иске Гришкин клубында узар дип өметләнәм. Бу символик, чөнки ул элек район мәдәният йорты булган.

    Ахырда Валерий Сергеевич артистларга номинацияләр буенча дипломнар тапшырды.

    Р.Мирзаянова фотосы

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: