Менделеевск яңалыклары
  • Рус Тат
  • Менделеевски почтальоннары корреспонденцияне велосипедларда илтәчәк

    «Менделеевские новости»га язылу кампаниясе уңаеннан район почтальоннары һәм элемтә бүлекчәләре арасында бәйге үткәрелә.

    1 нче почта элемтәсе бүлекчәсе, үзәк почта, Бәзәкә, Тихоново бүлекчәләре почтальоннары газета редакциясенә җыелдылар. «МН» хезмәткәрләре аларга конкурсның шартлары турында сөйләделәр.

    – Бәйгедә 2020 елның октябреннән декабрьгә кадәр катнашырга мөмкин. Җиңүчеләрне районкага язылу йомгаклары буенча билгеләчәкбез. 2021 елның беренче яртыеллыгында булган тиражның 2020 елның шул чоры белән чагыштырганда күпмегә артуы исәпкә алыначак, – дип хәбәр итә «Татмедиа» АҖ филиалының «Менделеевск» МҮ җитәкчесе Джулия Искәндәрова.

    Язылу кампаниясен актив үткәреп, почтальоннар бәйге җиңүчесе була алачаклар. Төп приз – «МН» партнёры Фирдис Абдрахмановтан велосипед.

    Тихоноводан почтальон Венера Әхмәдшина велосипед өчен көрәшергә исәпли.

    – Миңа эшем ошый, ике тәгәрмәчле дус белән корреспондицияне тагын да тизрәк илтеп булачак, – ди ул.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: