Менделеевскида эш визиты белән ТР Дәүләт Советы депутаты Эдуард Шәрәфиев булды

Эдуард Шәрәфиев чәй өстәле янында шәһәрлеләрнең фикер һәм тәкъдимнәрен тыңлады һәм 70 менделеевлыга районка бүләк итте. Ул «Химик», «Карповчы», «Альфа», «Бондюжский» ТИСлары актистлары Әлфия Зариповага, Фәния Мөбарәкшинага, Роза Бәхтияровага, Лариса Семёновага басма матбугатны тантаналы рәвештә тапшырды һәм аларны бәйрәм белән котлады:
«Сезне бәйрәм белән котлыйм! Менделеевскида зирәк яшьтәге иң актив, кунакчыл кешеләр яши. Газетаны гаиләгез белән бергә яратып укырсыз, район һәм республиканың мөһим вакыйгаларыннан хәбәрдар булырсыз дип ышанам».

Өченче яшь вәкилләре исеменнән «Бондюжский» ТИС рәисе Рәмзия Әхмәдиева депутатка рәхмәт белдерде:
– Зирәк яшьтәгеләргә игътибарыгыз өчен рәхмәт. Һәр ярты ел саен безнең белән очрашасыз һәм «Менделеевские новости» газетасына яздырасыз. Сезгә сәламәтлек һәм уңышлар телим, – диде ул.