2 нче мәктәп эшчәнлеге

Педагогик коллектив дус, тату, бердәм, ел саен төрле чараларда, һөнәри осталык конкурсларында катнаша. 2013 елда мәктәптә капиталь ремонт эшләре башкарылды.

— Быел спорт залының идәнен буядылар, яктылыкны алыштырдылар. Башлангыч сыйныфлар, информатика, рус теле, тарих кабинетларында лампаларны утлы-диодлыга алыштырдылар. Беренче катта макулатура җыю һәм иганәчеләр ярдәме белән стендлар яңартылды. Тормыш куркынычсызлыгы нигезләре һәм Юл хәрәкәте куркынычсызлыгы бүлмәләре җиһазландырылды һәм яктыртылды. Мәктәп каршысында уку-тәҗрибә участогы бар. Карлыган, алмагач, төче чия юнәтелде һәм утыртылды, — дип белдерде Михаил Петрович.

Күмәк эш нәтиҗәсендә 2 нче мәктәп «2020-21 уку елына иң яхшы әзерлекле мәгариф учреждениесе» номинациясендә шәһәр мәктәпләре арасында яхшылардан дип табылды.

— Директор коллегалары һәм балалар өчен лидер һәм үз эшенең остасы булырга тиеш. Шундый белгеч кенә яхшы җитәкче була ала, — дип саный район башлыгы Валерий Чершинцев.

Мәктәп өчен уку эшчәнлеге мөһим процесс. Директор сүзләренчә, узган елда 9 нчы сыйныфны 19 укучы тәмамлады, бишесе унынчы сыйныфта укуны дәвам итә. 11 нче сыйныфны сигез укучы тәмамлады, алар арасында өчесе медальга ия.

— Адель Гришин һәм Станислав Җиһаншин Мәскәүдә укыйлар, Г. Плеханов исемендәге россия икътисадый университеты, комплекслы куркынычсызлык һәм махсус приборлар ясау институты студентлары. Вера Костина — хәзер Санкт-Петербург дәүләт архитектура-төзелеш университеты студенты. Без укучыларның һәм чыгарылышларның уңышлары белән горурланабыз, — диде М. Яковлев.