Менделеевск яңалыклары

Менделеевск районы

18+
Рус Тат
2024 - год Семьи
Мәгариф

Белем һәм тәрбия чыганагы

Апрель аенда билгеләп үтелә торган Балалар китабы көненә багышланган чара "Белем иленә сәяхәт" формасында үткәрелде. Балалар китапханәсе коллективы әзерләгән гамәл балалар журналлары белән таныштырудан гыйбарәт булды. Китапханә хезмәткәре Елена Назарова хат ташучы Печкин ролен үтәде. Ул балаларга "Мурзилка" (Динар Фаразетдинов, гимназия), "Читайка" (Рената Корбанова, 1 нче мәктәп) журналларын алып килгән....

Апрель аенда билгеләп үтелә торган Балалар китабы көненә багышланган чара "Белем иленә сәяхәт" формасында үткәрелде.
Балалар китапханәсе коллективы әзерләгән гамәл балалар журналлары белән таныштырудан гыйбарәт булды.
Китапханә хезмәткәре Елена Назарова хат ташучы Печкин ролен үтәде. Ул балаларга "Мурзилка" (Динар Фаразетдинов, гимназия), "Читайка" (Рената Корбанова, 1 нче мәктәп) журналларын алып килгән. Рольләрне башкаручылар вакытлы басма әсәрләрнең нәшер ителү тарихы, андагы рубрикалар белән кыскача таныштырдылар.
Театральләштерелгән тамашада катнашкан "Незнайка" (Ксения Моратова, 1 нче мәктәп), "Дюймовочка" (Ульяна Кузнецова, 1 нче мәктәп) һәм башка әкият геройлары залдагыларны могҗизалы, серле һәм сихри дөнья буйлап сәяхәт иттерделәр. Алып баручының ярдәмчеләре - гимназиядән Оля Куликова һәм Злата Переина җыр һәм шигъри юллар аша китап һәм журналлардан алган белемнәре белән уртаклаштылар, табышмакларга җавап эзләделәр, кроссворд, ребуслар чиштеләр, әкиятләрдән өзекләр аша нинди герой турында сүз баруын белештеләр. Чарада балаларга китап укуның файдасы, аларны ремонтлау, саклап тоту һәм башка файдалы киңәшләр җиткерелде, балалар журналларында басылган уеннарның берничәсе уйналды. "Веселые картинки", Татарстанда чыга торган "Салават күпере" журналлары белән танышу сабыйлар күңеленә хуш килде.
Китапханә коллективы һәр елны "Иң күп китап укучы"га бәйге оештыра. Җиңүче укучылар Мактау грамоталарына лаек булды. Аннан "Кыш көне кошларны ашат" акциясенә нәтиҗә ясалды. Актив катнашучылар шулай ук Мактау грамоталары һәм шоколад белән бүләкләнделәр. Театральләштерелгән тамашада катнашкан малайлар һәм кызлар да күчтәнәчсез калмады.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Менделеевск яћалыклары

2
X