Менделеевск яңалыклары
  • Рус Тат
    • Мәгариф

    Белем сыйфатына игътибар арта

    автор, 15 февраль 2013 - 05:41
    751
    0
    0

    Фәймә Вахриева "Юность" район мәдәният йортында мәгариф системасы хезмәткәрләренең отчет җыелышы булды. Мәгариф идарәсе начальнигы Зөлфия Хәертдинова узган елгы эшчәнлеккә нәтиҗә ясады, киләчәккә планнар белән таныштырды. Бу өлкәдә билгеләнгән хезмәт юнәлешләренә, укучыларның предметлар буенча белем дәрәҗәсенә һәм олимпиада, конкурс-бәйгеләрдә ирешкән уңышларга тукталды. Сәләтле балаларга игътибар бирү, каникулларны оешкан төстә уздыру,...

    Фәймә Вахриева
    "Юность" район мәдәният йортында мәгариф системасы хезмәткәрләренең отчет җыелышы булды.
    Мәгариф идарәсе начальнигы Зөлфия Хәертдинова узган елгы эшчәнлеккә нәтиҗә ясады, киләчәккә планнар белән таныштырды. Бу өлкәдә билгеләнгән хезмәт юнәлешләренә, укучыларның предметлар буенча белем дәрәҗәсенә һәм олимпиада, конкурс-бәйгеләрдә ирешкән уңышларга тукталды. Сәләтле балаларга игътибар бирү, каникулларны оешкан төстә уздыру, ата-аналар өчен укулар, укучыларның сәламәтлеген кайгырту да читтә калмады.
    Уку учреждениеләрен кадрлар белән тәэмин итү - 99 процент. Система һәр елны яшь белгечләр белән тулыландырыла (2012 елда - 15 кеше), пенсия яшендә хезмәт куючылар саны - 73. 71 мөгаллим дәүләт һәм өлкә бүләкләре белән билгеләнгән. Педагоглар ел саен төрле категориягә аттестация узалар һәм осталык дәрәҗәләрен төрле конкурсларда җиңүләр яулап исбатлыйлар.
    Мәктәптә хезмәт хакы - 50 процентка, балалар бакчасында 40 процентка артты. Мәгариф яңарышында профильле урта мәктәп - иң төп юнәлешләрнең берсе. Шул максаттан социаль-гуманитар, физика-математика, химия-биология, табигать-фән буенча 49 процент укучы шөгыльләнде. Бу юнәлештә КФУның Алабуга филиалы белән хезмәттәшлек итү дә нәтиҗәләр бирә.
    Балалар иҗаты үзәге коллективы эшчәнлеге белән директоры Әлфия Талыйпова таныштырды. Үзәк техник иҗат, декоратив-кулланма, туган якны өйрәнү, экологик хәрәкәт, интеллектуаль үсеш, гаилә белән эш һ.б. юнәлешләр буенча өстәмә белем бирә. Учреждениедә һәм аның филиалларында 1800 гә якын укучы шөгыльләнә. Ел дәвамында концертлар, ярышлар, бәйгеләр, Яңа ел тамашалары уңышлы узган. "Очарование", "Ассорти" бию коллективлары, "Триумф" театр берләшмәсе, авыл мәктәпләренең фольклор ансамбльләре - төрле фестивальләр, бәйгеләр лауреатлары. Иҗат үзәге узган елда иң яхшы "Өстәмә белем бирү учреждениесе" һәм "Иң яхшы җитәкче" номинацияләрендә җиңүгә иреште. Коллективның төп максаты - балаларның сәләтен ачу, иҗади үсешкә шартлар булдыру.
    Район башлыгы Игорь Привалов чыгышында:
    -Менделеевскиның киләчәге педагоглар кулында, җәмгыять сезгә балаларны ышанып тапшырды. Аларга ныклы белем һәм тәрбия бирү өчен кирәкле шартлар тудыру өстендә һәрдаим эшлибез, - дип белдерде һәм хезмәтләрендә уңышка ирешкәннәргә Мактау грамоталары тапшырды.

    Иң мөһим һәм кызыклы язмаларны Татмедиа Telegram-каналында укыгыз


    Теги: Менделеевск Менделеевск яналыклары мђгариф
    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2020. Менделеевск яӊалыклары (Менделеевские новости). Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Менделеевск яӊалыклары (Менделеевские новости)
    № свидетельства о регистрации СМИ, дата: ЭЛ № ФС 77 - 73819 от 28.09.2018
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: Искандарова Джулия Анатольевна
    Адрес редакции: 423650, Республика Татарстан, Менделеевский р-н, г. Менделеевск, ул. Фомина, д. 20
    Телефон редакции: (85549) 2-14-55
    Электронная почта редакции: paradox_12@mail.ru
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    Яндекс.Метрика ; Рейтинг@Mail.ru
    16+