Менделеевск яңалыклары
  • Рус Тат
  • Бердәм дәүләт имтиханын – яңа кагыйдәләр буенча

    Быел унберенче сыйныфны тәмамлаучы 142 һәм тугызынчы сыйныфтан 304 укучы дәүләт йомгаклау аттестациясенә әзерләнә. - БДИ үткәрү һәм аның эчтәлеге үзгәрешләр кичермәде. Нәтиҗәләрен объектив һәм үтә күренмәле итәр өчен үзгәреш имтихан үткәрүнең техник ягына кагылды. Имтихан бирү вакыты - мәктәп укучылары һәм укытучылар тормышында катлаулы һәм җаваплы чор. Гамәлдәге закон...

    Быел унберенче сыйныфны тәмамлаучы 142 һәм тугызынчы сыйныфтан 304 укучы дәүләт йомгаклау аттестациясенә әзерләнә.
    - БДИ үткәрү һәм аның эчтәлеге үзгәрешләр кичермәде. Нәтиҗәләрен объектив һәм үтә күренмәле итәр өчен үзгәреш имтихан үткәрүнең техник ягына кагылды. Имтихан бирү вакыты - мәктәп укучылары һәм укытучылар тормышында катлаулы һәм җаваплы чор. Гамәлдәге закон нигезендә БДИ үткәрү өчен кирәкле шартлар булдырып, аларны психологик киеренкелек тудырмый гына уздыру зарур, - дип билгеләп үтте мәгариф идарәсе начальнигы Сергей Данилов, мәгариф учреждениеләре җитәкчеләре киңәшмәсен ачып.
    Киңәшмәдә район башкарма комитеты җитәкчесенең социаль мәсьәләләр буенча урынбасары Павел Миронов, район прокуроры Айрат Галимәрдәнов, үзәк больницаның баш табиб урынбасары Геннадий Герасимович, Россия ЭЭМ Менделеевск районы бүлеге балигъ булмаганнар белән эшләү бүлекчәсе хезмәткәре Сергей Метальников катнашты.
    2014 елда Бердәм дәүләт имтиханнарын үткәрүнең үзенчәлекләре турында, яңа кагыйдәләргә аеруча игътибарны юнәлдереп, мәгариф идарәсенең уку дисциплиналары буенча методисты Наталья Панкрашина таныштырды.
    Уку дисциплиналары буенча методист Алия Минголова 9 нчы классларда дәүләт йомгаклау аттестациясен үткәрү үзенчәлекләре турында сөйләде.
    Район мәгариф идарәсе начальнигы урынбасары Фәнүзә Яковлева РФ һәм ТР Мәгариф һәм фән министрлыклары приказларына, норматив-хокукый документларына күзәтү белән чыгыш ясады.
    Киңәшмәдә катнашучыларга үзләрен кызыксындырган сорауларны бирү мөмкинлеге булды.

    Лариса Кривилева

    Белү мөһим:
    Дәүләт йомгаклау аттестациясендә (ДЙА) катнашучының өстәлендә, имтихан өчен кирәкле материалдан тыш, түбәндәгеләр була:
    - ручка
    - шәхесен раслаучы документ
    - дару һәм ризык (кирәк булганда)
    - сәламәтлеге чикләнгән укучылар өчен махсус техник чаралар.

    Тыела:
    - элемтә средстволары, электрон-исәпләү техникасы, фото, аудио һәм видеоаппаратура, белешмәлек материаллар, язмача һәм башка мәгълүмат средстволары булу
    - аудиториядән һәм имтихан кабул итү пунктыннан кәгазьдә һәм электрон формада имтихан материалларын алып чыгу, аларны фотога төшерү
    - БДИда катнашучыларга ярдәм күрсәтү, шул исәптән югарыда аталган материалларны аларга тапшыру


    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: