Менделеевск яңалыклары
  • Рус Тат
  • Берәүләр ял иткәндә, икенчеләре эшли

    Сигезенче сыйныф укучылары Ләйсән Хөснетдинова һәм Виктория Фёдорова эш эзләп шәһәр оешмалары буйлап йөриләр. - Июньдә мин "Спецстрой"да эшләдем, - дип сөйли Ләйсән. - Иртә торырга туры килде. Көн уртасына бушый идем. - Эшләгән акчагызны нәрсәгә сарыф итмәкче буласыз? - дип кызыксынабыз. - Яңа уку елына әйберләр алабыз, калганын күңел...

    Сигезенче сыйныф укучылары Ләйсән Хөснетдинова һәм Виктория Фёдорова эш эзләп шәһәр оешмалары буйлап йөриләр.
    - Июньдә мин "Спецстрой"да эшләдем, - дип сөйли Ләйсән. - Иртә торырга туры килде. Көн уртасына бушый идем.
    - Эшләгән акчагызны нәрсәгә сарыф итмәкче буласыз? - дип кызыксынабыз.
    - Яңа уку елына әйберләр алабыз, калганын күңел ачуларга: кино, кафе, аттракционнарга тотабыз, - диләр кызлар.
    - Әлбәттә, әти-әниләр безне тулысынча тәэмин итәләр, безнең дә аларга булышасы килә, - дип исәпли Вика. - Үз хезмәт хакың булу да шәп. Әгәр шәһәрдә эш тапмыйбыз икән, Чаллыга машиналар юарга йөриячәкбез. Анда Ләйсәннең апасы эшли, ул безнең өчен сөйләшергә вәгъдә итте.
    Без комментарий алу өчен Халык мәшгульлеге үзәге директоры Елена Мөхәмәдиевага мөрәҗәгать иттек.
    - Кагыйдә буларак, егетләргә эш табуы җиңелрәк. Бу предприятиеләрнең үзенчәлеге белән бәйле. Мәсәлән, автотранспорт предприятиесендә көчле җенес вәкилләренә өстенлек бирәләр, - ди ул. - Җәйге чорда барлыгы 255 үсмерне эшкә урнаштыру планлаштырыла, шуларның 94е инде эшли, 161е июль-августта җәлеп ителәчәк. Вакытлыча килешү төзегән оешма һәм предприятиеләр арасында - "Ижминводы" санаторие, Л.Я.Карпов ис. химзавод, Спецстрой, Кама-Сакс, Мәгариф идарәсе һәм башкалар.

    Хезмәт хакы турында
    5554 сум - эш бирүче средстволары хисабына фактта эшләгән вакыт өчен алачаклар (тулы булмаган эш көне шартларында).
    1275 сум - вакытлыча эшкә урнаштырылган үсмерләргә федераль бюджет средстволарыннан шундый матди ярдәм түләнә.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: