Менделеевск яңалыклары
  • Рус Тат
  • Брейн-рингта ярыштылар

    С.Гассар исемендәге мәдәният сараенда «Икмәк – тормыш нигезе» брейнг-ринг уены кубогы узды.

    Чараны Авыл хуҗалыгы идарәсе һәм туган якны өйрәнү музее оештырды. Уен шәһәр һәм район мәктәпләренең тугызынчы сыйныф укучылары арасында алып барылды. Үсмерләр биш раундта белемнәрен күрсәттеләр, төрле дәрәҗәдәге сорауларның һәрберсенә – гомум күнекмәләшүдән алып үз өлкәләрендәге нечкәлекләргә – Менделеевск төбәгендә икмәк пешерү тарихына кадәр җаваплар бирделәр.

    Уен нәтиҗәләре буенча җиңүчеләр билгеләнде. Алар 2 нче мәктәп командасы булды, икенче урынны гимназистлар яулады, өченчене – 3 нче мәктәп укучылары. Җиңүчеләргә, призерларга һәм катнашучыларга сертификатлар һәм истәлекле бүләкләр тапшырылды. Җиңүчеләрне Яр Чаллыга икмәк эшләнмәләре җитештерү предприятиеләренең берсенә экскурсия көтә, призерлар кинотеатрга һәм боз сараена барачаклар.

    Ахырда оештыручылар һәм кунаклар балаларны сәламләделәр, укуларында һәм киләчәк һөнәр сайлауда уңышлар теләделәр.

    Регина Абрамова фотосы

    Нравится
    Поделиться:
    Реклама
    Комментарии (0)
    Осталось символов: