Менделеевск яңалыклары
  • Рус Тат
  • Чыгарылышлар бердәм дәүләт имтиханнарын сайлады

    Менделеевск мәктәпләре чыгарылышларының быел нинди фәннәрне сайлавы турында корреспондентыбыз Вәсилә Мортазина сорашып белде. Шуны искәртәбез, карарны 1 мартка кадәр генә кабул итәргә була иде. Диана Даллакян, 1 нче мәктәпнең 11нче сыйныф укучысы: - Мин Ижевск дәүләт медицина акдемиясенең стоматология факультетына укырга керергә планлаштырам. Кечкенәдән табиб булырга хыялландым, белгечлекне озак сайлый...

    Менделеевск мәктәпләре чыгарылышларының быел нинди фәннәрне сайлавы турында корреспондентыбыз Вәсилә Мортазина сорашып белде. Шуны искәртәбез, карарны 1 мартка кадәр генә кабул итәргә була иде.
    Диана Даллакян, 1 нче мәктәпнең 11нче сыйныф укучысы:
    - Мин Ижевск дәүләт медицина акдемиясенең стоматология факультетына укырга керергә планлаштырам. Кечкенәдән табиб булырга хыялландым, белгечлекне озак сайлый алмадым, соңыннан стоматолог булам дигән фикергә килдем. Кешеләргә бәхетле елмаю бүләк итәргә телим. Шуның өчен, мәҗбүри фәннәрдән тыш, химия белән биологияне сайладым. 10 нчы сыйныфтан имтиханнарга ныклап әзерләнә башладым, электив дәресләргә йөрим, репетитор белән шөгыльләнәм.
    Айгөл Әхмәтшина, 1 нче мәктәпнең 11Д сыйныф укучысы:
    - Математика һәм рус теленнән тыш, әдәбияттан имтихан тапшырачакмын. Имтиханга акрынлап, үземә артык йөк өймичә әзерләнәм, вакытымны да бушка үткәрмим. БДИга безне дәрестә әзерлиләр, өйдә өстәмә яки дәрестән соң укытучылар белән шөгыльләнергә туры килә. Тагын Чаллыга БДИга әзерләү үзәгенә йөрим. Максатым - Казан архитектура университетына укырга керү.
    Рүзәл Бекбутаев, 2 нче мәктәпнең 11 нче сыйныф укучысы:
    - Кайда укыячагымны төгәл әйтә алмыйм, әмма булачак һөнәремне техник уку йортында алырга телим. Математика, рус теле, җәмгыять белеме, физика буенча имтиханга әзерләнәм. Бердәм дәүләт имтиханнарына әзерләнүгә дәрестә күп игътибар бирелә. Шулай ук репетитор белән шөгыльләнәм, демо-вариантларны чишәм.
    Эльвира Шиабиева, Бәзәкә урта мәктәбенең 11 нче сыйныф укучысы:
    - Минем сайлавым - рус теле, математика, информатика. Казан федераль университетының "финанслар һәм кредит" факультетына керергә, киләчәктә үземне банк эше буенча белгеч итеп күрергә телим. Имтиханнарга мәктәптә һәм мөстәкыйль өйрәнәм. Федераль университетка һәр елны конкурс зур.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: