Депутат белән әңгәмә

2 нче мәктәптә "Гражданин" сәяси клубы утырышы кысаларында 5-11 нче сыйныф укучыларының ТР Дәүләт Советы депутаты Ринат Ханбиков белән очрашуы булды.
Чара Дмитрий Менделеевның тууына 180 еллыгына багышланды. Депутат ярдәмчесе Рөстәм Гафаров, "Менделеевсказот" ҖЧҖ генераль директоры Фирдис Абдрахманов та катнашкан әңгәмә барышында "Киләчәк безгә бәйле", "Заманча дөньяда мәгарифнең, химия һәм физика фәннәренең роле", "Бәхетле булу нәрсәне аңлата?" актуаль темаларына сөйләшү булды. Ринат Сәгыйтовичка "Гражданин" сәяси клубының почетлы әгъзасы" исеме бирелде. Сәяси клуб утырышын җитәкчесе Гөлүзә Бондарева алып барды.