Менделеевск яңалыклары
  • Рус Тат
  • Фикерләр балкышы-2014

    "Алтын балык" 7 нче балалар бакчасында мәктәпкәчә яшьтәгеләрнең проект эшләре өченче Бөтенроссия конкурсы узды. Учреждение мөдире Елена Грицук белдерүенчә, 5-7 яшьлек балалар тәрбиячеләре, әти-әниләре ярдәме белән тикшеренү өлкәсенә беренче адымнарын ясыйлар. Бәйгенең географиясе киңәю - быел Мурманск, Ульяновск өлкәләреннән, Татарстан районнарыннан 38 проект тәкъдим ителгән - аңа яңа статус биргән....

    "Алтын балык" 7 нче балалар бакчасында мәктәпкәчә яшьтәгеләрнең проект эшләре өченче Бөтенроссия конкурсы узды.
    Учреждение мөдире Елена Грицук белдерүенчә, 5-7 яшьлек балалар тәрбиячеләре, әти-әниләре ярдәме белән тикшеренү өлкәсенә беренче адымнарын ясыйлар. Бәйгенең географиясе киңәю - быел Мурманск, Ульяновск өлкәләреннән, Татарстан районнарыннан 38 проект тәкъдим ителгән - аңа яңа статус биргән.
    Алып баручы музыка җитәкчесе Екатерина Задоркина яшь җиңүчеләр белән таныштыра һәм чыгышларны тыңларга чакыра. Проектларның тематикасы төрлелеге, мавыктыргыч төзелеше җәлеп итте. Малайлар һәм кызлар судан салават күпере ясадылар, кеше тормышында суның әһәмиятен билгеләделәр, лимонның могҗизалы сыйфатларын ачтылар, сөттән нинди файдалы продуктлар әзерләп булуын ачыкладылар. Әкият герое Зирәк ябалак белән видеоязма аша аралашу чыгышларны тагын да җанландырды.
    Чараның икенче өлешендә Зирәк ябалак нәниләрне иҗади остаханәгә чакырды. Быел бәйгенең эшенә яңалык кертелде: тәрбиячеләр "Учреждениенең гыйльми советы" утырышына җыелдылар. Беренче мәктәпнең башлангыч сыйныф укытучысы О.Тайматова "Яшь тикшеренүче җәмгыяте" эше белән таныштырды.
    - Бакчада үткәрелгөн конкурсларда уңышка ирешүчеләр мәктәптә дә сынатмыйлар. "Алтын балык" бакчасы чыгарылышы Әдил Фәйрузов (1 нче мәктәп, 2 нче сыйныф) уку учреждениеләренең фәнни эшләре проектында I урын яулаган, - дип сөйли өлкән тәрбияче Мария Норкина.
    Яр Чаллы пединститутының педагогика фәннәре кандидаты, мәктәпкәчә кафедра доценты Илсөяр Хәбибуллина рәислегендәге жюри төрле номинацияләр буенча җиңүчеләрне ачыклады. "Тормышка якын проект" номинациясендә 7 нче балалар бакчасында тәрбияләнүче Алинә Закирова беренче булды (кураторы тәрбияче О.Плотникова). Айсылу Галиева - өченчелекне алды (1 нче бакча, И.Мөхтәева). Шул ук учреждениегә йөрүче Лариса Никонова, Арсений Калмыков, Ралина Королёва "Табигать - фән" проектында җиңүче дип аталдылар (А.Кашафетдинова, С.Малыхина, В.Нуриева). "Тану-тикшеренү" проектында 8 нче балалар бакчасы шәкерте Полина Камашевага тиңнәр булмады (кураторлары - Г.Фәттахова, Л.Мөхәмәтҗанова). Өченчелек Ангелина Камашевага бирелде (7 нче бакча, А.Вәлиуллина).
    Фәймә Вахриева

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: