Гимназиядә Сәламәтлек көне

14 сентябрьдә Каен аланында узган чара катнашучыларның тезелүе, куркынычсызлык кагыйдәләрен искә төшерү һәм котлау сүзләре ишеттерү белән башланды. Спорт ярышлары башлангыч, урта һәм өлкән сыйныфлар өчен яшь үзенчәлекләрен истә тотып оештырылды. Сикергечтә вакытка һәм урыннан озынлыкка сикерүдә, перекладинага күтәрелүдә, 500 м һәм 1,5 км йөгерүдә көч сынашучылар арасында җиңүчеләр билгеләнде.

Нәтиҗәдә Тимофей Маслихин, Валерия Никитина, Камилла Закирҗанова, Александр Малинов, Алинә Тарасова, Алинә Февралева, Альберт Кашапов урыннан сикерүдә беренчеләр булдылар. Йөгерүдә Алинә Овчарова, Тимофей Маслихан, Кристина Садыйкова, Константин Давыдов, Илнар Шәйморатов, Кристина Степанова иң җитезләр. Алинә Овчарова, Эмиль Шакиров, Крестина Садыйкова, Данил Панфилов, Надежда Саранова, Альберт Кашапов сикергеч белән сикерүдә призлы урыннарга чыктылар. Перекладинага күтәрелүдә Александр Малинов, Владислав Лейба, Вадим Макаров, Азат Нигъмәтҗанов билгеләнделәр.