Менделеевск яңалыклары
  • Рус Тат
  • Кышкы гаилә Олимпиадасы

    13 нче "Көмеш тояк" балалар бакчасында шундый спорт чарасы узды. Ярыш мәктәпкәчә мәгариф учреждениеләрендә физкультура һәм спортны үстерү, сәламәт яшәү рәвешен пропагандалау һәм кечкенәләрнең сәламәтлеген ныгыту максатын күз алдында тотты. Учреждение этабында җиңеп финалга узган Леонтьевлар (10 нчы бакча), Бигачевлар (13 нче), Тайматовлар (7 нче) гаилә командалары да спорт белән...

    13 нче "Көмеш тояк" балалар бакчасында шундый спорт чарасы узды.
    Ярыш мәктәпкәчә мәгариф учреждениеләрендә физкультура һәм спортны үстерү, сәламәт яшәү рәвешен пропагандалау һәм кечкенәләрнең сәламәтлеген ныгыту максатын күз алдында тотты.
    Учреждение этабында җиңеп финалга узган Леонтьевлар (10 нчы бакча), Бигачевлар (13 нче), Тайматовлар (7 нче) гаилә командалары да спорт белән дуслар. Балалар гимнастикада, йөзүдә, акробатикада көчлеләр. Әти-әниләре хоккей, өстәл теннисы, чаңгы шуу белән шөгыльләнәләр.
    Чара чын Олимпиаданы хәтерләтте: эмблемалар, флаг, факел макетлары, уеннар символлары Аю, Куян, Леопард, почёт пьедесталы - барысы да ярышларга әзерлекне күрсәтте. Алып баручы учреждениенең физкультура инструкторы Венера Нәҗметдинова ярышларга старт бирде.
    "Визит карточкасы" катнашучылар белән якыннан таныштырды, "Олимпия утын тапшыру", "Чанада узышу" биремнәре гаиләләрне өлгерлектә сынады. Команда әгъзаларының бердәмлеге, ярдәмчеллеге "Гаилә паровозы", "Баланы шугалакка әзерлә", "Туп белән эстафета" дигән этапларда ачылды. "Биатлончы стартта" туры залда чын чаңгы ярышын ачты.
    "Капитаннар конкурсы", "Олимпия флагын рәсемгә төшер" дигән бәйгеләр командалар яулаган урыннарны билгеләде. Жюри рәисе "Айсберг" боз сарае директоры урынбасары Оксана Габделбариева, ярдәмчеләре - мәгариф идарәсе методисты Эльвера Маслова, "Нептун" бассейны методисты Айназ Мөхетдинова мондый нәтиҗәгә килделәр: беренче урында - "Тату гаилә" (Бигачёвлар), "Миләшкәйләр" (Леонтьевлар) - икенче, өченчелек - "Витаминнар"га (Тайматовлар) насыйп булды. Медальләр һәм бүләкләргә ия булган командалар почёт түгәрәге үттеләр.
    Ярышларны 13 нче бакча шәкертләре башкаруында шаян сәхнә күренешләре, бию композицияләре, брейк-данс, җыр номерлары бизәде.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: