Мәктәп ТВ дөньясында

Мәктәп тормышының мөһим мәсьәләләре турында аның структураларында сөйләшү проблемалы хәлләрне чишәргә мөмкинлек бирә, мөстәкыйльлекне, лидерлык сыйфатларын, сыйныф һәм мәктәп тормышына кагылышлы хисләрне арттыра. Укучылар “Юнармия” хәрби-патриотик хәрәкәтендә катнашалар, “School TV” һәм “Maximum kids”. проектларын гамәлгә ашыралар. Безнең корреспондент Анжела Райсян балалар иҗат коллективының ничек итеп телевизион журналистиканы үзләштерүләрен белде.

“School TV” укучы күзлегеннән – үзеңнең иҗади потенциалыңны тирәнрәк ачу мөмкинлеге. Телевидение ярдәмендә укучыларның мәктәптә алган белемнәре виртуаль чынбарлыкның ачык, нәтиҗәле формасын ала.

Мәктәп телевидениесенең беренче чыгарылыш программасы 2012 елның апрелендә була. Бу вакыт эчендә күп нәрсә эшләнде. Укучылар тележурналистика нигезләрен теләп һәм кызыксынып, стиль һәм жанрлар, телесюжетлар әзерләү законнары белән танышалар. Эш барышында видеоаппаратура белән эшләү алымнары һәм видеофайлларны эшкәртү буенча программа тәэмин ителеше формалаштырыла. Балалар видео, тавыш, фотоларны эшкәртү нигезләренә өйрәнәләр.

“School TV” алып баручысы Елизавета Грудцова:

– Без – активистлар, мәктәпне башка күзлектән чыгып, көндәлек тормышны кызыклы һәм мавыктыргыч итеп ачабыз. Мәгариф учреждениесе үсешендә актив катнашабыз, район һәм республика дәрәҗәсендә аның данын яклыйбыз.

“Maximum” – бу зур механизм, ул күпсанлы кисәкләрдән тора һәм һәрберсе бик мөһим. Бу механизм бергә булганда гына эшли. Миңа телевидениедә яңалыклар әзерләгән кешеләр ошый, аеруча үз эшләрен яратып эшләүчеләр һәм шуның белән яшәүчеләр. Мин дә мәктәп ТВсендә үземне алып баручы ролендә сынап карарга булдым, чөнки бу мәгълүматны җиткерүнең иң массакүләмле, уңайлы һәм кызыклы алымы.

“School TV” корреспонденты Анастасия Мессеева:

– Безнең мәктәп телевидениесе берничә ел дәвамында төрле чараларны яктырта. “School TV” барлык чыгарылышларны вузда журналистика факультетына керергә һәм уңышлы укырга этәргеч бирде. Безнең команда төрле мәктәп һм район чараларын яктырта. Без фотога һәм видеога төшерәбез, аларны социаль челтәргә урнаштырабыз. “School TV” – бу җәмәгать сферасында үрләр яулау өчен старт мәйданчыгы.

 “School TV” алып баручысы Кирилл Данилов:

 – Миңа балачактан ук төрле телетапшыруларны карау ошый, кайберләреннән зур тәэсирләр кала. Нәкъ менә алып баручы кешеләрнең күңеленә зур йогынты ясый, һәр проблема турында уйланырга мәҗбүр итә, ә кайчакта үз фикереңне дә башка күздән карарга мөмкинлек бирә. Мин дә үземне шул рольдә сынап карарга булдым, начар булмас дип уйлыйм. Һәрвакыт яхшы күренергә тырышам, сөйләм телен камилләштерәм һәм камера алдында дөрес итеп сөйләргә өйрәнәм.

“School TV” – уку барышында барлык укучыларны да берләштерә һәм бердәм мәгълүмати агентлык булдыра. Укучылар бер-берсенә ярдәм итәләр, яңа кешеләрне җәлеп итәләр. Иҗади процесс “Maximum” үзидарәсеның гомум тырышлыгы белән бара, чөнки 1 нче мәктәпнең аерылгысыз өлеше булып санала.