Мәктәпләрдә бөтенроссия тикшерү эшләре башлана

Бөтенроссия тикшерү эшләре – бу йомгаклау контроль эшләре, алар гадәттә уку елы ахырында мәктәпләрдә үткәрелә. Монысында коронавирус пандемиясе сәбәпле уку елы ахырында тикшереләсе контроль эшләрне агымдагы елның уку елы башына күчерделәр. Бөтенроссия тикшерү эшләре (ВПР) мәктәпләрдә 14 сентябрьдән 12 октябрьгә кадәр үткәрелә. РФ агарту министрлыгында ВПР өчен билге куелмаячак, дип вәгъдә бирделәр. Узган уку елы дистанцион режимда тәмамланды. Йомгаклау контроль эшләре белем алудагы бушлыкларны ачыкларга ярдәм итәчәк. Укуда артта калучыларга методик ярдәм күрсәтеләчәк.