Менделеевск яңалыклары
  • Рус Тат
  • Музыка бар җиһанда

    Традиция буенча, Балалар сәнгать мәктәбендә беренче сыйныф укучыларын яшь музыкантлар сафына кабул итү тантанасы булды. Бу көнне биредә Халыкара музыка көне дә билгеләп үтелде, педагоглар коллективына җылы сүзләр әйтелде. Чарада ата-аналар, әби-бабайлар, укытучылар һәм башкалар катнашты. БСМ директоры Алия Абрамова 22 шәкертне бәйрәм белән котлап, аларны сәнгать дөньясында белем үрләрен...

    Традиция буенча, Балалар сәнгать мәктәбендә беренче сыйныф укучыларын яшь музыкантлар сафына кабул итү тантанасы булды. Бу көнне биредә Халыкара музыка көне дә билгеләп үтелде, педагоглар коллективына җылы сүзләр әйтелде. Чарада ата-аналар, әби-бабайлар, укытучылар һәм башкалар катнашты.

    БСМ директоры Алия Абрамова 22 шәкертне бәйрәм белән котлап, аларны сәнгать дөньясында белем үрләрен яулаганда яхшы укырга, тәртипле булырга чакырды. Алия Азатовна һәр балага "Яшь музыкант" таныклыгы тапшырды.

    Бу көнне беренче сыйныф укучылары яраткан әкият геройлары Шапокляк һәм клоун Клепа маҗараларын тамаша кылдылар. Балалар аларга уен коралларында уйный белүләрен, җырлар өйрәнүләрен исбатладылар, табышмакларга төгәл җаваплар бирделәр, биремнәрдә актив катнаштылар.

    "Сәнгать" дигән тылсымлы белем иленә керүче 1 нче сыйныф укучылары тырышып укырга сүз бирделәр.

    Чараны Лиза Ожиганова (скрипка), Виктория Сударикова (фортепиано), Дәниф Муллахмәтов (баян), Илшат Шамилев (гитара), Азамат Низамов (аккордеон), вокал триосы (Дарина Абрамова, Яна Шалаумова, Вика Сударикова), Каролина Климова, Настя Журавлева, Яна Шалаумова, вокал дуэт (Камилла Мусикаева, Даша Ермолаева) бизәделәр.

    - Кызым Эмилиягә ике яшендә уенчык пианино сатып алган идек, бу уен коралы аңа бик ошады, матур көйләр уйный башлады. Соңрак чын пианино юнәттек һәм бүгенге көндә ул сәнгать мәктәбенә фортепианога йөри, 1 нче сыйныфка укырга керде, музыка белгече Светлана Перина, - ди Ләйсән Прохорова.

    Музыка көне уңаеннан сәхнәдә яңгыраган аһәңле көйләр тамашачыда онытылмаслык хисләр калдырды, чөнки белгечләр әйтүенчә, моң ул - бер тәрбияви чара да, шифалы табиб та, сизгер психолог та, якты нур да. Сәнгать сөюченең күңелендә начарлыкка урын юк.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: