Олимпиада

Чын инглизләрчә
Инглиз телен оста белүчеләр Тихоново мәктәбендә һәм 1 нче гимназиядә белем алалар.
Бу фән буенча олимпиадада 8 нче сыйныф укучылары арасында Альберт Рейска тиңнәр табылмады (Тихоново, Альбина Рейс). Чыгарылыш Венера Краснова шулай ук җиңүчеләр исемлегенә керде (1 нче гимназия, Ирина Павлова).
Географлар сынатмады
Беренче мәктәптә белем алучы 7 нче сыйныф укучысы Олег Колпаков олимпиада биремнәрен "5"легә үтәде.
Аны ярышка әзерләгән укытучысы Рушания Гыйльметдинованы сөендереп, ул җиңүче исеменә ия булды. География фәнен яхшы белүчеләр арасында 9 нчы сыйныф укучысы Денис Иванов та бар (1 нче гимназия, Елена Сәхипова).
Яшь геологлар
Геология фәненнән узган бәйге ике укучыга җиңү алып килде.
Өченче мәктәптән 9 нчы сыйныф шәкерте Алёна Филиппова алдынгылар арасында (Надежда Сәетова). Унынчы сыйныф укучысы Дмитрий Хәлиуллин да уңышка иреште (1 нче мәктәп, Рушания Гыйльметдинова).