Патриотлылар – җиңүче

Алабугада спорт ориентлашуы буенча ачык беренчелек оештырылды.
Яр Чаллы, Түбән Кама, Алабугадан катнашкан 160 спортчы арасында Менделеевскиның "Патриот" хәрби яшүсмерләр клубы да көч сынады. Бу төр спорт бәйгесендә беренче генә ярышсалар да, алар уңышка ирештеләр. Олег Чураев шәхси зачетта өченче урын яулады. Егеткә грамота, медаль тапшырылды.
Яр Чаллыда узган "Хәрәкәт" спорт һәм иҗат республика фестивалендә патриотлылар җыр номеры белән чыгыш ясадылар. Алабуга, Әгерҗе, Мамадыш, Яр Чаллы клублары тамашачы хөкеменә кул эшләре күргәзмәләре, бию, нәфис сүз әзерләгәннәр. Катнашучылар дипломга ия булдылар.