Студентлар белән очрашу

Башта студентлар көненә багышланган видеоязмалар тәкъдим ителде. Аннары сүз булачак белгечләргә бирелде. Һәркайсы үзләре укый торган уку йорты турында мәгълүмат бирделәр, укудан тыш вакыттагы шөгыльләре,студент тормышының күңелле мизгелләре хакында сөйләделәр. Тамашачылар үзләрен кызыксындырган сорауларны юлладылар, югары сыйныф укучылары күп сорауларга тулы җавап алуга ирештеләр. Очрашуның икенче өлеше төрле уеннар, конкурслар белән дәвам итте. Студентлар үзләренең тапкыр да, акыллы да, өлгер дә булуларын исбатладылар. Йолдыз Хәсәнҗанов, Гөлнар Ситдикова бүләк иткән матур җырлар, чын мәгънәсендә, кичәгә матур аһәң өстәде. Очрашудан һәркем канәгать калды: укытучылар үзләре укыткан укучылар белән горурланды, студентлар кышкы сессияләрен уңышлы тәмамлауларына сөенеп, күңелле ял иттеләр.

Фото Ф.Рәхмәтуллина архивыннан