Менделеевск яңалыклары
  • Рус Тат
  • Сугыш бетүгә 71 ел

    Нефть химиясе һәм нефть эшкәртү техникумында Бөек Ватан сугышында Җиңүнең 71 еллыгы уңаеннан тантаналы чара узды. Анда сугыш һәм хезмәт ветераннары Хәсән Сәйфуллин һәм Александр Попов чакырылды. Җыелганнар "Мин тагын узган сугышны искә төшердем" исемле күргәзмә белән таныштылар. Ветераннар Советы рәисе Любовь Сорокина һәм "Бердәм Россия" партиясе җирле бүлекчәсенең башкарма...

    Нефть химиясе һәм нефть эшкәртү техникумында Бөек Ватан сугышында Җиңүнең 71 еллыгы уңаеннан тантаналы чара узды. Анда сугыш һәм хезмәт ветераннары Хәсән Сәйфуллин һәм Александр Попов чакырылды.

    Җыелганнар "Мин тагын узган сугышны искә төшердем" исемле күргәзмә белән таныштылар.

    Ветераннар Советы рәисе Любовь Сорокина һәм "Бердәм Россия" партиясе җирле бүлекчәсенең башкарма комитеты җитәкчесе Клавдия Смирнова сугыш ветераннарын, студентларны һәм укытучыларны якынлашып килүче Җиңү бәйрәме белән котладылар, бондюглыларның фашистларны тар-мар итүдә зур өлеш кертүен билгеләделәр.

    Ветераннар Хәсән Шигапович һәм Александр Иванович сугыш еллары хатирәләре белән уртаклаштылар, имин тормыш өчен яу кырында башларын салганнарны онытмаска, яшь буынны илебезнең патриотлары булырга һәм илебезне күз карасыдай сакларга кирәклеген ассызыкладылар. Кызлар һәм егетләр чараның мәртәбәле кунакларына роза чәчәкләре тапшырды.

    Һәлак булганнар бер минутлык тынлык белән искә алынды.

    Залда утыручылар 1941-1945 еллардагы совет халкы тормышын кабат күз алдыннан кичерделәр, видеоязмаларда сугыш еллары сурәтләнде. Чараны студентлар вальсы һәм Алина Морозованың "Без сезне онытмабыз!" авторлык җыры бизәде.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: