"Тату гаилә кичәсе"

Бәйге формасында уздырылган кичәдә 16 гаилә төрле ярышлар, уеннар, викторина һәм башка чаралар ярдәмендә җитезлекләрен, тапкырлыкларын, үзара ярдәмләшә белүләрен, юмор хисләрен һ.б. сыйфатларын күрсәтте. Иң элек спорт уены - кыршау киеп йөгерү, аннан маркер ярдәмендә күмәкләп хыялдагы йорт рәсемен ясау, авторалли - уенчык машинаны җепкә тагып тизрәк хәрәкәтләндерү, "бәрәңге утырту" һ.б. уеннарда балалар һәм әти-әниләр бик теләп катнашты. Якыннарының чыгышларын хозур кылырга килгән әби-бабайлар һәм башка кунаклар көч биреп тордылар. Уеннар кыз һәм малайларның җыр-биюләре, нәфис сүз сөйләүләре белән бергә үрелеп барды. Балалар һәм әти-әниләре парлашып вальс әйләнделәр. Әти-әниләр шәмнәр яктысында гаилә гимнын башкардылар. Аннан 3 яшьлек Алексей Золотарёв һәм 4 яше тулган Асель Шәймәрдәнованы туган көннәре белән котладылар.

Бакча мөдире Елена Локтева, жюри рәисе буларак, бәйге нәтиҗәләре белән таныштырды. Уртак фикер белән "дуслык җиңде" дигән карарга килделәр.