Укучылар язгы ГТО нормалары тапшыруга әзерләнә

Россия Президенты Владимир Путин Указы белән 2014 елның 1 сентябреннән "Хезмәт һәм оборонага әзер" физкультура комплексы гамәлгә кертелде. Татарстан аның пилотлы территориясе булды. Корреспондентыбыз Татьяна Ясәвиева бу өлкәдә район мәктәпләрендә хәл торышын сорашып белеште. - Мәгариф идарәсендә район мәктәпләрендә ГТО нормаларын үтәүне кертү турында приказ чыкты һәм комиссия төзелде. Барлык...

Россия Президенты Владимир Путин Указы белән 2014 елның 1 сентябреннән "Хезмәт һәм оборонага әзер" физкультура комплексы гамәлгә кертелде. Татарстан аның пилотлы территориясе булды. Корреспондентыбыз Татьяна Ясәвиева бу өлкәдә район мәктәпләрендә хәл торышын сорашып белеште.

- Мәгариф идарәсендә район мәктәпләрендә ГТО нормаларын үтәүне кертү турында приказ чыкты һәм комиссия төзелде. Барлык гомуми белем учреждениеләрендә стендлар ясалды, анда балалар өчен дә, әти-әниләр өчен дә мәгълүмат урнаштырылды, мәктәпләрдә ГТО нормаларын тапшыру буенча көзге һәм кышкы сессияләр узды, - дип хәбәр итте мәгариф идарәсе начальнигы урынбасары Фәнүзә Яковлева.

- ГТО нормаларын мәктәп программасына кертү - дөрес карар, ул балаларны сәламәтләндерүгә юнәлдерелгән, - ди физкультура укытучысы Галина Романюк.

2 нче мәктәптә ГТО нормаларын тапшыруга төп медицина төркеменнән 156 укучының 97се рөхсәт алды. Көз көне алар 30, 60, 100 метрга, 1, 1,5, 2 һәм 3 километрга йөгерү, урыннан озынлыкка сикерү, тартылу, идәннән этелү, алга бөгелү, туп, граната ыргыту буенча зачёт тапшырдылар.

Кышкы сессиягә 1, 2, 3 километрга чаңгыда йөгерү кертелде. 75 кешенең унысы - бронза дәрәҗәсенә иреште, 13 - көмеш, 15 - алтын, сигез укучы биремнәрне үти алмады.

Бүгенге көндә язгы сессиягә әзерлек бара. Укучылар 25 метрга йөзү, малайлар пневматик винтовкадан атуны тапшырачаклар.

- Балаларның стимулы бар, алар күрсәткечләрен яхшыртырга телиләр. Уңышлы тапшырган балаларга, май аенда алтын, көмеш һәм бронза дәрәҗәсе, шулай ук спорт разряды һәм званиеләре биреләчәк. Мәктәпләрдә ГТО нормаларын тапшыру өчен тиешле шартлар бар. Стадионда - йөгерү, кыш көне чаңгыда йөрү буенча күнекмәләр үткәрелә, шәһәрдә менә дигән бассейн бар, анда йөзү буенча күнекмәләр үтә, - дип дәвам итә Галина Александровна.

- Мин һәм сыйныфташларым ГТО нормалары тапшыруда бик теләп катнашабыз, аларның безгә тормышта кирәге чыгачак, - ди 1 нче мәктәпнең җиденче сыйныф укучысы Валерия Ушкова.

Следите за самым важным и интересным в Telegram-каналеТатмедиа

Оставляйте реакции

0

0

0

0

0