Укучыларның җәйге каникул датасы билгеле

Беренчеләрдән булып укуларын беренче сыйныфлар һәм чыгарылышлар тәмамлаячаклар. 
Мәгариф министрлыгы җәйге каникул буенча аңлатма бирде. 24 май беренче сыйныф укучылары өчен соңгы уку көне булачак. Тугызынчы һәм унберенче сыйныфлар өчен бу көнне соңгы кыңгырау чыңлаячак. 
Беренче сыйныфлар 25 майдан каникулга китәчәкләр, ә чыгарылышларны алда дәүләт аттестацион имтиханнары көтә. 
Башка укучылар өчен җәйге каникуллар 1 июньнән 31 августка кадәр дәвам итәчәк.